यूहन्ना 8:53 - बिलासपुरी नौआं नियम

⁵³ क्या तू अहांरे पूर्वज अब्राहमा ते बड्डा, सै जे मरीगरा? क्या तू भविष्यवक्तयां ते बड्डा सै जे मरीगरे। तिज्जो क्या लगां भई तू हाया?”

यूहन्ना 8:53 Referans Kwoze

यूहन्ना 4:12

तू अहांरे पूर्वज याकूब ते महान नीं हुई सकदा, तिने जे अहांजो ये खूह दित्या; कने तिने अपणे बच्चयां कने डंगरां सौगी खुद अप्पूँ बी इसरा पाणी पित्या?”

रोमियो 9:5

अब्राहम, इसहाक कने याकूब तिन्हांरे पूर्वज ये, कने सै जे यीशु मसीह रे बी पूर्वज थे, सै जे परमेशर आ कने सै जे सब्बीं रे ऊपर राज कराँ, तिसरी हमेशा प्रशंसा ओ! आमीन।

यूहन्ना 19:7

यहूदी अगुवेयां तिस्सो जबाब दित्या, “अहांरी इक व्यवस्था इ कने तिसा व्यवस्था रे मुतावक मौती रिया सजा रे लायक आ, काँह्भई ये अप्पूँजो परमेशरा रा पुत्र हुणे रा दावा करां।”

यूहन्ना 12:34

इस पर लोकें तिस्सो बोल्या, “अहें पवित्रशास्त्रा री गल्ल सुणिरी भई मसीह सदा जिऊंदा रैहणा, फेरी तू काँह बोलां, भई माहणुये रे पुत्रा जो ऊच्चे पर चढ़ाया जाणा जरूरी आ? ये माहणुये रा पुत्र कुण आ?”

यूहन्ना 10:33

यहूदियें तिस्सो जबाब दित्या, “भलाईया रे कम्मां खातर अहें तिज्जो पत्थर नीं मारया करदे पर परमेशरा री निंध्या करने रिया बजह ने; कने इस खातर भई तू माहणु हुईने अप्पूँजो परमेशर बणाईराँ।”

यूहन्ना 8:58

यीशुये तिन्हाने जबाब दित्या, “हऊँ तुहांजो सच्च बोलां, भई अब्राहम रे पैदा हुणे ते पैहले, हऊँ था कने हऊँ आ।”

यूहन्ना 5:18

इसा बजह ने यहूदी अगुवे तिसजो मारने री होर बी जादा कोशिश करने लगे, काँह्भई सै न सिर्फ विस्राम रे दिना री बिधिया जो तोड़ां, पर परमेशरा जो अपणा पिता बोलीने, अप्पूँजो तिसरे बराबर समझां था।

मत्ती 12:6

पर हऊँ तुहांजो बोलां भई येत्थी कोई हाया सै जे मन्दरा ते बी बड़ा खास आ।

मत्ती 3:9

इसा गल़तफैहमिया च मत रौआ भई अब्राहम तुहांरा पिता; काँह्भई हऊँ तुहांजो बोलां भई इन्हां पत्थराँ ते परमेशर अब्राहमा रे खातर बच्चा पैदा करी सक्कां।