यूहन्ना 7:4 - बिलासपुरी नौआं नियम

⁴ काँह्भई येढ़ा कोई नीं हूणा सै जे मशहूर हूणा चाओ, कने लुक्खीने काम्म करो। जे तू चमत्कारा रे काम्म कराँ, तां अप्पूँजो सारे संसारा रे सामणे परगट कर।”

यूहन्ना 7:4 Referans Kwoze

यूहन्ना 18:20

यीशुये जबाब दित्या, “मैं सदा लोकां च रईने सारयां ने खुल्लेआम गल्ल-बात किति; मैं यहूदी सभा घराँ कने मन्दरा च तित्थी जे सारे लोक कट्ठे हुआं ये, सदा उपदेश दित्या। मैं कदीं बी लुखी-छिपिने किछ नीं गलाया।

लूका 6:45

खरा माहणु अपणे मना रे खरे भण्डारा ते खरियां इ गल्लां कड्डां, कने बुरे माहणुये रे बुरे मना ते बुरे काम्म कने बुरे बिचार इ निकल़ां ये। सै जे किछ तुहांरे मना च भरीरा हुआं सै वेई तुहांरे मुँआं च औआं।

मत्ती 23:5

सै अपणे सारे काम्म लोकां जो दसणे खातर कराँ ये: सै अपणे जंत्राँ कने चोल़े री झालराँ जो इस खातर बड्डे ते बड्डा करदे रैं ताकि लोक तिन्हांजो धर्मात्मा समझो।

मत्ती 6:5

“ताहली जे तुहें प्राथना करो तां कपटियां साई मत करा, काँह्भई सै यहूदी सभा घराँ च कने सड़कां रे मोड़ां पर खड़ीने प्राथना करना चाँये ताकि लोक तिन्हांजो देखीने तिन्हांरी बडयाई करी सक्को। हऊँ तुहांजो सच्च बोलां भई तिन्हांजो इसरा ईनाम सैई बडयाई मिली।

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

मत्ती 4:6

कने गलाया, “तू दावा कराँ भई तू परमेशरा रा पुत्र आ, येत्थीते छाल़ मारीने साबित कर। काँह्भई पवित्रशास्त्रा च लिखिरा, सै अपणे स्वर्गदूतां जो तेरे बारे च ये हुक्म देंगा, भई सै तेरी रक्षा करो। कने तिन्हां इकदम तिज्जो अपणे हत्था पर इयां थम्मी लेणा, तिसते जे तेरे पैराँ जो बी पत्थराँ ते चोट तक नीं लगणी।”

यूहन्ना 7:3

इस खातर यीशुये रे भाईयें तिसजो गलाया, “तुहांजो ये जगह छड्डिने यहूदिया प्रदेशा च चली जाणा चाहिन्दा, ताकि तेरे चेले तेरे चमत्काराँ जो ऊत्थी बी देक्खी सक्को तिन्हांजे तू कराँ।

यूहन्ना 7:5

काँह्भई यीशुये रे भाई बी तिस पर विश्वास नीं करदे थे।