यूहन्ना 7:30 - बिलासपुरी नौआं नियम

³⁰ तिसरिया इसा गल्ला पर सै यीशुये जो गिरफ्तार करना चाहया, पर कोई बी तिसजो हात्थ नीं पाई सक्कया, काँह्भई तिसरा बगत हल्तियें नीं आईरा था।

यूहन्ना 7:30 Referans Kwoze

यूहन्ना 10:39

तां फेरी भीं तिन्हे तिस्सो पकड़ने री कोशिश कित्ती पर सै तिन्हांते दूर चलिग्या।

यूहन्ना 8:20

ये गल्लां तिने मन्दरा रे अंगणा च उपदेश देन्दे हुये भण्डार घरा च बोल्ली, कने किन्हिये बी तिस्सो नीं पकड़या, काँह्भई तिसरे दुख सैहणे कने मरने रा बगत हल्तियें नीं आईरा था।

यूहन्ना 7:6

फेरी तिने तिन्हांने गलाया, “तुहांरे खातर सारा बगत आ, पर हल्तियें तक मेरा सही बगत नीं आईरा।

यूहन्ना 7:32

फरीसियें लोकां जो यीशुये रे बारे च हौल़यां-हौल़यां ये गल्लां गलान्दे हुए सुणया; कने मुखियायाजकें कने फरीसियें तिस्सो पकड़ने जो मन्दरा रे पैहरेदार भेज्जे।

यूहन्ना 11:57

मुखियायाजकें कने फरीसियें यीशुये जो गिरफ्तार करने रे मकसदा ने ये हुक्म दित्या था भई जे किसी माहणुये जो पता चली जो भई यीशु किति आ? तां सै इसरी सूचना अहांजो देओ, ताकि अहें तिस्सो पकड़ी सक्को।

यूहन्ना 9:4

तिने जे हऊँ भेज्जिरा, अहांजो तिसरे काम्म दिनें-दिनें इ करी लेणा जरूरी आ; काँह्भई सै रात औणे औल़ी तिसच जे कोई काम्म नीं करी सकदा।

यूहन्ना 8:59

फेरी इस पर लोकें यीशुये जो मारने खातर पत्थर चक्के, पर सै तिन्हां वलाते हटया कने मन्दरा ते निकल़ीने दूर चलिग्या।

यूहन्ना 8:37

हऊँ जाणाँ भई तुहें अब्राहम रे बंशा ते; फेरी बी तुहां मेरियां सखाई रियां गल्लां रा पालन नीं करना, इस खातर तुहें मिन्जो मारी देणा चांये।

यूहन्ना 7:19

मूसे त तुहांजो व्यवस्था दित्तिरी, पर तुहां चाते कोई बी तिस पर अमल नीं करदा। तुहें मिन्जो कजो मारना चांये?”

यूहन्ना 7:8

तुहें त्योहारा च जावा; हऊँ हल्तियें इस त्योहारा च नीं जाई सकदा, काँह्भई हल्तियां तक मेरा बगत पूरा नीं हुईरा।”

लूका 22:53

ताहली जे हऊँ हर रोज मन्दरा च तुहांजो सौगी हुआं था, तां तुहें तिस बगत मिन्जो काँह नीं पकड़या? पर ये तुहांरा बगत आ, सै बगत, ताहली जे अन्धेरे री ताकत काम्म कराँ इ।”

लूका 20:19

शास्त्रियें कने मुखियायाजकां तिस बेले जे ये उदाहरण दित्या, तां सै इकदम तिस्सो पकड़ना चाँह थे, काँह्भई सै जाणीगे भई यीशु अहांरी तरफ ईशारा करी रां भई इस कहाणिया रे करसाण अहें लोक ये, पर सै लोकां ते डराँ थे।

मरकुस 11:18

ये सुणीने मुखियायाजक कने शास्त्री तिस्सो मारने री तरकीब सोचणे लगे; काँह्भई सै यीशुये ते डराँ थे, इस खातर भई सब लोक तिसरे उपदेशा ते हैरान हुआं थे।

मत्ती 21:46

कने तिन्हे तिस्सो पकड़ने रा जत्न कित्या, पर सै लोकां ते डराँ थे काँह्भई लोक यीशुये जो भविष्यवक्ता मन्नां थे।

यूहन्ना 10:31

फेरी यहूदियें तिसजो मारने खातर दोबारा पत्थर चक्के।

मत्ती 12:14

फेरी फरीसी तित्थी ते बाहर चलीगे कने तिस्सो मारने रे खातर इक दुज्जे ने मिलीने मारने री तरकीब सोचणे लगे।