यूहन्ना 7:14 - बिलासपुरी नौआं नियम

¹⁴ ताहली जे त्योहारा रे अधे दिन बितिगे; तां यीशु मन्दरा च जाईने उपदेश देणे लगया।

यूहन्ना 7:14 Referans Kwoze

यूहन्ना 7:28

फेरी यीशुये मन्दरा रे अंगणा च उपदेश देन्दे हुये जोरा ने गलाया, “तुहें मिन्जो जाणाँ ये, कने ये बी जाणाँ ये भई हऊँ कित्तिरा। हऊँ त अपणिया मर्जिया ते नीं आईरा, पर मिन्जो भेजणे औल़ा सच्चा, तिस्सो तुहें नीं जाणदे।

लूका 19:47

इसते बाद सै हर रोज मन्दरा च उपदेश करने लगया। पर मुखियायाजक, शास्त्री कने लोकां रे खास अगुवे, यीशुये जो मारने री तरकीब सोचणे लगे।

यूहन्ना 18:20

यीशुये जबाब दित्या, “मैं सदा लोकां च रईने सारयां ने खुल्लेआम गल्ल-बात किति; मैं यहूदी सभा घराँ कने मन्दरा च तित्थी जे सारे लोक कट्ठे हुआं ये, सदा उपदेश दित्या। मैं कदीं बी लुखी-छिपिने किछ नीं गलाया।

यूहन्ना 8:2

कने अगले दिन तड़के इ सै फेरी मन्दरा रे अंगणा च आया; बौहत लोक तिसलौ आये कने सै बैठीने तिन्हौं उपदेश देणे लगया।

यूहन्ना 7:37

फेरी त्योहारा रे खत्म हुणे औल़े दिन, सै जे खास दिन आ, यीशु उट्ठया कने जोरा ने गलाया, “जे कोई प्यासा ओ तां मेरले आईने पीओ।

यूहन्ना 7:2

यहूदियां रा झोंपड़ियां रा त्योहार नेड़े आईरा था।

यूहन्ना 5:14

इन्हां गल्लां ते बाद सै माहणु यीशुये जो मन्दरा च मिलया कने तिस्सो गलाया, “देख, हुण तू त ठीक हुईग्या; इस खातर दोबारा पाप देक्खां करदा, नैत किति येढ़ा नीं ओ भई कोई इसते बड्डी मुश्कल तूह पर आई जाओ।”

मत्ती 26:55

तिस बगत यीशुये भीड़ा जो गलाया, “तुहें मिन्जो पकड़ने तलवारां कने डन्डयां लेईने इयां आये तियां जे किसी चोरा जो पकड़ने आईरे? हऊँ हर रोज मन्दरा च बैठीने उपदेश देआं था, पर ताहली तुहें हऊँ काँह नीं पकड़या।

मत्ती 21:12

फेरी यीशुये परमेशरा रे मन्दरा च जाईने तिन्हां सारयां जो, सै जे तित्थी लेण-देण करी रां थे, बाहर कड्डित्या, कने पैसयां जो बदलने औल़यां री चौकियां मुन्धियां करी ती कने कबूतर बेचणे औल़यां रे आसण पलटीते;

यूहन्ना 8:20

ये गल्लां तिने मन्दरा रे अंगणा च उपदेश देन्दे हुये भण्डार घरा च बोल्ली, कने किन्हिये बी तिस्सो नीं पकड़या, काँह्भई तिसरे दुख सैहणे कने मरने रा बगत हल्तियें नीं आईरा था।