यूहन्ना 6:7 - बिलासपुरी नौआं नियम

⁷ फिलिप्पुसे तिसजो जबाब दित्या, “दो सौ दिनार आम माहणुये रे खातर तकरीवन दो सौ दिनां री मजदूरी थी, रोटिया रिया कमिया रे दौरान (इतणे जादा लोकां रे खातर आस-पास रे गाँवां ते रोटी कठेरी सक्कां ये ) इक दिना री मजदूरी सिर्फ इक्की परिवारा जो ख्वाई सक्कां इ।”

यूहन्ना 6:7 Referans Kwoze

मरकुस 6:37

पर तिने जवाब दित्या, “तुहें इ तिन्हांजो खाणे जो देआ।” तिन्हें यीशुये ने गलाया, “इसच इक माहणुये री आट्ठ महीने री मजदूरी लगणी! क्या अहें जाईने इतणा पैसा रोटिया रे खातर खरच करिये कने तिन्हांजो खाणे रे खातर देईये?”

यूहन्ना 12:5

“ये इत्र तिन्न सौ दिनार रा बेच्चीने गरीबां जो काँह नीं दित्या?”

मत्ती 18:28

“फेरी ताहली जे सै दास बाहर निकल़या, तां तिस्सो तिसरा इक साथी दास मिलया सै तिसरे सौ दिनाराँ रा कर्जदार था; तिने सै गल़े ते पकड़या कने तिसरा गल़ा दबान्दे हुये बोल्या, ‘जितना कर्ज तू मेरा देणा सै मिन्जो वापस कर।’

यूहन्ना 1:43

अगले दिन यीशुये गलील प्रदेशा च जाणे रा निश्चा कित्या। सै फिलिप्पुस ने मिलया कने गलाया, “मेरे पिच्छे चली औ।”

यूहन्ना 1:44

फिलिप्पुस बैतसैदा नगरा रा निवासी था। तित्थी अन्द्रियास कने पतरस बी रैयां थे।

यूहन्ना 1:45

फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।”

यूहन्ना 1:46

फेरी नतनएले तिसते पुच्छया, “क्या कोई खरी चीज़ नासरत ते बी निकल़ी सक्कां इ?” फिलिप्पुसे तिसने गलाया, “जाईने देक्खी लें।”

यूहन्ना 1:48

नतनएले यीशुये ते पुच्छया, “तुहें मिन्जो कियां जाणाँ?” यीशुये तिसजो जबाब दित्या, “इसते पैहले भई फिलिप्पुसे तिज्जो सद्दया, ताहली तू अंजीरा रे डाल़ा हेठ था, तां मैं तिज्जो देख्या था।”