यूहन्ना 6:5 - बिलासपुरी नौआं नियम

⁵ फेरी यीशुये बौहत लोकां री भीड़ अपणे खौ औन्दी देक्खी, कने फिलिप्पुसा ने गलाया भई “अहां इन्हांरे खाणे खातर रोटी किति ते खरीदी ने लौणी?”

यूहन्ना 6:5 Referans Kwoze

मत्ती 15:33

फेरी तिसरे चेलयां गलाया, “इतणे जादा लोकां खातर इस सुनसान जगह च इतणी रोटी अहांजो किति ते मिलगी?”

यूहन्ना 4:35

तुहें अक्सर बोलां ये, ‘बढाईया जो हल्तियें बी चार महीने पैईरे?’ देक्खा हऊँ तुहांजो बोलां, ध्यान देईने खेतां जो देक्खा, भई तियां जे खेतां च पक्कीरी फसल बढाईया रे खातर त्यार हुआं इ, तियां इ माहणु मेरा सन्देश ग्रहण करने खातर त्यार आ।

यूहन्ना 1:43

अगले दिन यीशुये गलील प्रदेशा च जाणे रा निश्चा कित्या। सै फिलिप्पुस ने मिलया कने गलाया, “मेरे पिच्छे चली औ।”

मरकुस 6:32

इस खातर यीशु अपणे चेलयां सौगी किश्तिया पर चढ़ीने सुनसान जगह जो लग चलीगे।

लूका 9:10

फेरी प्रेरिते मुड़ीने आईने, जो किछ तिन्हें कित्या था तिसजो दस्सीत्या, कने सै तिन्हांजो अलग करीने चुपचाप बैतसैदा नगरा जो लेईग्या।

यूहन्ना 1:44

फिलिप्पुस बैतसैदा नगरा रा निवासी था। तित्थी अन्द्रियास कने पतरस बी रैयां थे।

यूहन्ना 1:45

फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।”

यूहन्ना 1:46

फेरी नतनएले तिसते पुच्छया, “क्या कोई खरी चीज़ नासरत ते बी निकल़ी सक्कां इ?” फिलिप्पुसे तिसने गलाया, “जाईने देक्खी लें।”

यूहन्ना 1:48

नतनएले यीशुये ते पुच्छया, “तुहें मिन्जो कियां जाणाँ?” यीशुये तिसजो जबाब दित्या, “इसते पैहले भई फिलिप्पुसे तिज्जो सद्दया, ताहली तू अंजीरा रे डाल़ा हेठ था, तां मैं तिज्जो देख्या था।”