यूहन्ना 5:44 - बिलासपुरी नौआं नियम

⁴⁴ तुहें माह पर विश्वास नीं करी सक्कां ये, काँह्भई तुहें त अप्पूँ बाटियें इक दुज्जे ते आदर लेणा पसन्द कराँ ये, कने तुहें इकमात्र परमेशरा ते तारीफ पाणे री कोशिश नीं करदे।

यूहन्ना 5:44 Referans Kwoze

यूहन्ना 12:43

काँह्भई तिन्हांजो परमेशरा रे आदरा रे बजाय माहणुआं रा आदर करना जादा प्यारा लगां था।

रोमियो 2:29

पर सच्चा यहूदी सैई हाया तिसरा दिल जे परमेशरा रिया नज़राँ च ठीक आ; कने सच्चा खतना पवित्र आत्मा रे जरिये दिला च हुआं, नां भई लिखी रिया व्यवस्था रे जरिये: येढ़े माहणुये री तारीफ माहणु नीं, बल्कि परमेशर कराँ।

फिलिप्पियां 2:3

हिरख कने घमण्डा ने किछ बी मता करदे, बल्कि नम्र बणा कने दुज्जेयां जो अप्पूँ ते खरा समझा।

मत्ती 23:5

सै अपणे सारे काम्म लोकां जो दसणे खातर कराँ ये: सै अपणे जंत्राँ कने चोल़े री झालराँ जो इस खातर बड्डे ते बड्डा करदे रैं ताकि लोक तिन्हांजो धर्मात्मा समझो।

1 पतरस 1:7

ये इस खातर आ भई तुहांरा विश्वास सच्चा साबित हो, मसीह यीशुये पर तुहांरा विश्वास सियुने ते बी बौहत कीमती आ। तियां जे नाशवान सियुना अग्गी ते परखया कने शुद्ध कित्या जां, तियां इ जे तुहांरा विश्वास समस्यां ते परखया जाणे ते बाद मजबूत बणीरा रौ, तां तुहां तिस दिन प्रशंसा, महिमा कने आदर पाणा ताहली जे यीशु मसीह वापस औणा।

1 कुरिन्थियों 4:5

इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।

रोमियो 2:10

पर सै जे कोई अच्छाईया पर चलां, तिस्सो परमेशरा महिमा, आदर कने शान्ति देणी, पैहले यहूदिये जो कने फेरी अन्यजातियां जो।

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

लूका 19:17

राजे तिस्सो गलाया, शाबाश, मेरे सच्चे पक्के सेबक, तैं बौहत बधिया काम्म कित्या! तू इक विश्वास लायक सेबक आ। मैं तिज्जो सै जे थोड़ा जेआ दित्तिरा था, तिसच तू विश्वासी निकल़या। हुण तिज्जो ईनामा च दस्सां नगराँ रा अधिकारी बणाया जां।

याकूब 2:1

मेरे साथी विश्वासियो, तुहें अहांरे महिमावान प्रभु यीशु मसीह रे चेले हुणे रिया वजह ने तुहां च कोई भेद-भाव नीं ओ।

इब्रानियों 3:12

साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।

2 कुरिन्थियों 10:18

काँह्भई सै जे अपणी बडयाई कराँ, सै नीं पर तिसरी बडयाई जे प्रभु कराँ, सैई परमेशरा रे जरिये ग्रहण कित्या जां।

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

यूहन्ना 8:43

तुहें समझी नीं सकदे भई हऊँ क्या बोलीराँ? येढ़ा इस खातर आ काँह्भई तुहें मेरा सन्देश सुणने जो इन्कार कराँ ये।

यूहन्ना 3:20

काँह्भई सै माहणु जे पाप कराँ सै जोतिया ते नफरत कराँ, कने सै जोतिया रे नेड़े तां नीं औन्दा भई किति तिन्हारे पाप सामणे नीं आई जो।

यूहन्ना 5:41

हऊँ माहणुआं ते आदर नीं चाहन्दा।

1 थिस्सलुनीकियां 2:6

कने अहें मसीह रे प्रेरित हुणे रिया वजह ने तुहां पर बोझ पाई सक्कां थे, फेरी बी अहें माहणुआं ते आदर नीं चाहन्दे थे, कने न तुहांते, न किसी होरी ते।

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।