यूहन्ना 5:3 - बिलासपुरी नौआं नियम

³ इन्हां बराण्डयां च बौहत सारे अन्हे, लंगड़े, बमार कने लकवे रे रोगी (पाणिये रे हिलणे रिया आशा च) पैईरे रैं थे।

यूहन्ना 5:3 Referans Kwoze

लूका 7:22

यीशुये यूहन्ने रे चेलयां ने बोल्या, “सै जे किछ तुहें देख्या कने सुणया, जाईने यूहन्ने ने बोल्ला; भई अन्हे देक्खां ये, कने लंगड़े हन्डणे फिरने लगे, कोढ़ी शुद्ध कित्ते जायें, टौणे सुणां ये, कने मुड़दे जिऊंदा कित्ते जायें, कने गरीबां जो खुशखबरी सुणाई जाईं।

मत्ती 15:30

लोकां रा दंगला रा दंगल तिसले आया। सै अपणिया सौगी लंगड़यां, टुण्डयां, अन्हेयां, गूँगयां कने कई सारे लोकां जो तिसले लेईने आये, कने लोकें तिन्हांजो तिसरे चरणां च सम्भालित्या, कने तिने सब्बीं जो ठीक कित्या।

याकूब 5:7

मेरे प्यारे साथी विश्वासियो, प्रभु यीशुये रे औणे तक धीरज रखा। देक्खा करसाण धरतिया री कीमती फसला खातर तदुआं तक तसल्ली रक्खीने इन्तजार कराँ तदुआं तक जे सै शुरु री कने आखरी बरखा नीं देक्खी लेन्दा।

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

यूहन्ना 5:2

यरूशलेम च भेड-फाटका ले इक कुण्ड आ सै जे इब्रानी भाषा च बैतहसदा नौआं ते जाणया जां; तिसरे कनारे पांज्ज बराण्डे बणीरे।

यूहन्ना 5:4

काँह्भई इक येढ़ा बगत हुआं था ताहली जे परमेशरा रे स्वर्गदूत कुण्डा च आईने पाणिये जो हिलां थे। पाणिये रे हिल्दे इ पैहले सै जे कोई कुण्डा च उतराँ, सै अपणियां सारियां बमारियां ते ठीक हुई जां था, चाये तिसरी कोई बी बमारी काँह नीं ओ।