यूहन्ना 5:2 - बिलासपुरी नौआं नियम

² यरूशलेम च भेड-फाटका ले इक कुण्ड आ सै जे इब्रानी भाषा च बैतहसदा नौआं ते जाणया जां; तिसरे कनारे पांज्ज बराण्डे बणीरे।

यूहन्ना 5:2 Referans Kwoze

प्रेरितां 21:40

तां जे तिने हुक्म दित्या तां पौलुसे पैड़ियां पर खड़ीने लोकां जो चुप होणे खातर हत्था रा ईशारा कित्या। ताहली जे सै चुप हुईगे तां सै इब्रानी भाषा च बोलणे लगया :

यूहन्ना 20:16

यीशुये तिसाजो गलाया, मरियम, सै पिच्छे खौ घुम्मी कने तिसे इब्रानी भाषा च गलाया, “गुरू।”

यूहन्ना 19:17

फेरी सिपाईयें यीशुये जो अपणे कब्जे च लेआ। तिन्हें तिसरा क्रूस तिसले खुद चकाया कने तिस्सो यरूशलेम नगरा ते बाहर खोपड़ी नौआं रिया जगह पर लेईगे, तिस्सो जे इब्रानी भाषा च गुलगुता बोल्या जां।

यूहन्ना 19:13

तंजे पिलातुसे ये गल्लां सुणियां तां, यीशुये जो पत्थरा रे चबुतरे पर लईग्या तिस पर जे बैट्ठीने न्याय कित्या जां, तिस्सो जे इब्रानी भाषा च गब्बता या पत्थरा रा फर्श बोलां ये, कने सै न्याय करने आसणा पर बैठिग्या।

यूहन्ना 19:20

बौहत सारे यहूदी लोकें तिस दोष पत्रा जो पढ़या, काँह्भई तित्थी जे यीशुये जो क्रूसा पर लटकाया था, सै जगह यरूशलेम नगरा ते नेड़े थी, कने ये पत्र यूनानी, लतीनी कने इब्रानी भाषा च लिखिरा था।

यूहन्ना 5:3

इन्हां बराण्डयां च बौहत सारे अन्हे, लंगड़े, बमार कने लकवे रे रोगी (पाणिये रे हिलणे रिया आशा च) पैईरे रैं थे।

यूहन्ना 7:21

यीशुये तिन्हांजो जबाब दित्या, “मैं इक काम्म कित्या कने तुहां सब्बीं जो हैरानी हुईगी।

प्रकाशितवाक्य 9:11

इक अथाह कुण्डा रा दूत तिन्हां पर राजा था; तिसरा नौं इब्रानी भाषा च अबद्योन, कने यूनानी च अपुल्लयोन आ। इन्हां दुईं नौआं रा मतलब नाश करने औल़ा हुया।

प्रकाशितवाक्य 16:16

फेरी दुष्टात्में राजयां जो, इब्रानी भाषा च बोल्ली जाणे औल़ी जगह हर-मगिदोन पर कट्ठा कित्या।