यूहन्ना 4:22 - बिलासपुरी नौआं नियम

²² तुहें सामरी लोक तिस्सो जे नीं जाणदे, तिसरी अराधना करां ए; कने अहें यहूदी लोक तिस्सो जे जाणां ए तिसरी अराधना करां ए; काँह्भई छुटकारा यहूदियां चते आ।

यूहन्ना 4:22 Referans Kwoze

प्रेरितां 17:23

काँह्भई हऊँ फिरदे-फिरदे तांजे तुहांरियां पुजणे रियां चिज़ां जो देख्यारा था, तां इक येढ़ि वेदी मिली, तिस पर लिखिरा था, ‘अनजाणे ईश्वरा खातर।’ इस खातर तिस्सो जे तुहें बिणा जाणे पुज्जां ये हऊँ तुहांजो तिसरी खबर सुणावां।

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

प्रेरितां 17:30

इस खातर परमेशरे तिस बगता पर ताहली जे सब अंजाण थे ध्यान नीं दित्या, पर हुण हर जगह सब्बीं माहणुआं जो मन फिराणे रा हुक्म देआं।

इब्रानियों 7:14

काँह्भई ये अहें जाणाँ ये भई अहांरा प्रभु यहूदा रे गोता रा था, कने इस गोता रे बारे च मूसे याजक पदा री कोई चर्चा नीं कित्ती।

प्रेरितां 3:26

परमेशरे अपणे सेवका जो मूईरयां चते जिऊंदा करीने सब्बींते पैहले तुहांले भेज्या, भई तुहां चते हर इक्की माहणु अपणियां बुराईयां जो छड्डिने परमेशरा रिया तरफा जो फिरो ताकि आशीष पाओ।”

रोमियो 11:18

तां तिज्जो तिन्हां डाल़ियां रे अग्गे घमण्ड नीं करना चाहिन्दा, सै जे तोड़ीने सट्टि दित्ति रियां; कने जे तू घमण्ड कराँ तां याद रखयां भई तू जड़ां जो नी पाल़ीराँ, पर येत सै जड़ इ सै जे तिज्जो पाल़ी कराँ ईं।