यूहन्ना 3:3 - बिलासपुरी नौआं नियम

³ यीशुये तिसजो जबाब दित्या, हऊँ तुहांजो सच्च बोलां, भई कोई बी परमेशरा रे राज्जा जो देक्खी नीं सकदा, तदुआं तक जे सै दोबारा जन्म नीं लौ।

यूहन्ना 3:3 Referans Kwoze

2 कुरिन्थियों 5:17

इस खातर जे कोई मसीह पर विश्वास कराँ, तां हुण सै नया माहणु आ; पुराणा जीवन गुजरिग्या; कने नया जीवन शुरु हुईग्या।

1 यूहन्ना 3:9

सै जे कोई परमेशरा रा बच्चा, सै पाप नीं करदा; काँह्भई परमेशरा रा स्वाभाव तिसच बणीरा रैयां: इस खातर सै पाप करी नीं सकदा, काँह्भई सै परमेशरा रा बच्चा।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

तीतुस 3:5

तां तिने अहांरे पापां रिया सजा ते अहांजो बचाया; कने ये भलयां कम्मां रिया वजह ते नीं, सै जे अहें अप्पूँ कित्ते थे, पर अपणी दया रिया वजह ते। परमेशरे अहांजो नया जीवन दित्या कने तिने अहांरे पापां जो अहांते दूर करीने इक नये तरिके ने बर्ताव करने खातर अहांरी मदद कित्ती; तिने अहांरे अन्दर पवित्र आत्मा जो रखणे रे जरिये ये कित्या।

यूहन्ना 1:13

तिसरे अन्दर नांत खानदानी खून था, नां तिसरे जमणे च माता-पिता री कोई योजना थी, कने नांई मर्दा री कोई इच्छा थी, पर परमेशरा री इच्छा थी।

1 यूहन्ना 2:29

जे तुहें जाणाँ ये, भई मसीह धर्मी आ, तां ये बी जाणदे हुणे भई सै जे धर्मा रा काम्म कराँ ये, सै परमेशरा रे बच्चे।

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,

गलातियां 6:15

काँह्भई नांत खतने रा कोई महत्व हाया कने नां बगैर खतने रा, जे महत्व हाया तां सै नौंईयां सृष्टिया रा।

1 यूहन्ना 5:18

अहें जाणाँ ये भई सै जे कोई परमेशरा बच्चा, सै पाप नीं करदा; पर परमेशरा रा पुत्र यीशु मसीह तिसजो बचाईने रक्खां, कने शैतान तिसजो छुई नीं पान्दा।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

यूहन्ना 12:40

“तिने तिन्हांरियां आक्खीं अन्ही करी तियां, ताकि सै देक्खी नीं सक्को, कने तिन्हांरे डमाक बंद करीते ताकि सै समझी नीं सक्को। नैत सै मेरी तरफ मुड़ी जान्दे कने हऊँ तिन्हांजो ठीक करी देंदा।”

इफिसियां 2:1

तुहें पैहले अपणयां अपराधां कने पापां रिया वजह ने आत्मिक रुपा च मरीगरे थे।

यूहन्ना 1:5

लोक नीं चाहन्दे भई तिन्हांरियां बुराईयां सामणे आओ, ठीक तियां इ तियां जे अन्धकार बुराई, पर तियां जे अन्धकार ज्योतिया जो नीं दबाई सकदा तियां इ दुष्ट तिसरिया ज्योतिया ने भरीरे माहणुये जो परमेशरा री सच्चाई सामणे ल्यौणे ते नीं रोकी सकदा।

याकूब 3:17

पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

यूहन्ना 1:51

यीशुये तिसने भीं गलाया, “हऊँ तेरने सच्च बोलां भई तूं स्वर्गा जो खुलदे कने परमेशरा रे दूतां जो माहणुये रे पुत्रा यनि मेरे ऊपर उतरदे कने ऊपर जान्दे देखणा।”

मत्ती 16:17

यीशुये तिस्सो जबाब दित्या, योना रे पुत्र, शमौन, परमेशर आशीष देओ तिज्जो, काँह्भई माहणुये नीं, पर स्वर्गा च रैहणे औल़े मेरे पिता, तूह पर जाहिर किति।

मत्ती 5:18

काँह्भई हऊँ तुहांजो सच्च बोलां, भई तदुआं तक जे अकाश कने धरती टल़ी नीं जाओ, तदुआं तक व्यवस्था ते इक मात्रा या बिन्दु बी बिणा पूरा हुये नीं टल़णा।

प्रकाशितवाक्य 3:14

तिने बी मिन्जो बोल्या, “लौदीकिया नगरा रिया कलीसिया रे दूता जो ये सन्देश लिख: हऊँ इ आमीन कने बफादार कने सच्चा गवाह, कने परमेशरा रिया सृष्टिया री मूल वजह इ, हऊँ ये बोलां:

मत्ती 19:24

हाँ, हऊँ तूहने बोलां भई तियां जे ऊँटा रा सुईया रे छेदा ते निकल़णा मुश्कल आ, तियां इ अमीर माहणुये रा स्वर्गा रे राज्जा च दाखल हूणा बी उतणा इ मुश्कल आ।”

मत्ती 21:31

दस्सा इन्हां दुईं चते किने पिता री इच्छा पूरी किति?” तिन्हे गलाया, “बड्डे।” यीशुये तिन्हाने गलाया, “हऊँ तुहांजो सच्च बोलां भई कर बसूलणे औल़े कने वेश्यां परमेशरा रे राज्जा च तुहांते पैहले जाणा।

मरकुस 9:47

पाप करने रिया हरेक वजह जो दूर करा! इसजो पूरे तरिके ने अस्वीकार करा। काणा हुईने तेरा स्वर्गा जो जाणा बौहत अच्छा, बजाये इसरे भई तेरियां दो आक्खीं हुन्दे हुये तिज्जो नरका रिया तिसा अग्गी च पाया जाओ सै जे कदीं मनी बुझणी।

मरकुस 10:14

ताहली जे यीशु देक्खां भई सै गुस्सा हुईगे यीशुये चेलयां जो गलाया, “बालकां जो मेरले औणे देआ तिन्हौं नां नीं करा, काँह्भई सै जे कोई बच्चयां साई भरोसा रक्खां ये तिन्हां पर इ परमेशरा राज करने रे खातर त्यार हूणा।

यूहन्ना 3:4

निकुदेमुसे तिसजो गलाया, “तां जे इक माहणु बुढा हुई जां, तां फेरी तिसरा जमणा कियां हुई सक्कां? क्या सै फेरी भीं अपणिया मौआ रे पेट्टा च जाईने दुज्जी बार जन्म लेई सक्कां?”

1 यूहन्ना 5:4

काँह्भई परमेशरा रा हरेक बच्चा संसारा पर जय पाई लेआं, कने सै विजय तिसते जे संसारा पर जीत मिलां इ, सै अहांरा विश्वास आ।