यूहन्ना 3:15 - बिलासपुरी नौआं नियम

¹⁵ ताकि सै जे कोई माह पर विश्वास करो, सै अनन्त जीवन पाओ।”

यूहन्ना 3:15 Referans Kwoze

यूहन्ना 3:16

“काँह्भई परमेशरे संसारा रे लोकां ने इतणा प्यार कित्या भई तिने अपणे इकलौते पुत्रा जो तिन्हांरे खातर बलिदान करित्या, ताकि हर इक माहणु सै जे तिस पर विश्वास करो, सै नाश नीं हो, पर अनन्त जीवन पाओ।

यूहन्ना 6:40

काँह्भई मेरे पिता री इच्छा येई, भई तिस जे पुत्रा जो देखीने तिस पर विश्वास करना तिस अनन्त जीवन पाणा; कने माह सै न्याय रे दिन भीं ते जिऊंदा करी देणा।”

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।

यूहन्ना 6:47

हऊँ तुहांजो सच्च बोलां भई सै जे विश्वास कराँ अनन्त जीवन तिसरा इ हाया।

यूहन्ना 1:12

पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये।

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

लूका 19:10

काँह्भई, माहणुये रा पुत्र यनि हऊँ परमेशरा ते दूर हुईगरे लोकां जो अनन्त सजा ते बचाणे, कने तिन्हारा छुटकारा करने आईरा।”

गलातियां 2:16

फेरी भीं अहें ये जाणाँ ये भई कोई माहणु व्यवस्था रे कम्मां ते नीं, पर सिर्फ यीशु मसीह पर विश्वास करने रिया बजह ने धर्मी बणां, अहें खुद बी इस खातर यीशु मसीह पर विश्वास कित्या भई अहें व्यवस्था रे कम्मां ते नीं, पर मसीह पर विश्वास करने ते धर्मी बणो; काँह्भई व्यवस्था रे कम्मां ते कोई बी माहणु धर्मी नीं हूणा।

1 यूहन्ना 2:25

कने तिने अहांजो अनन्त जीवन देणे रा बादा कित्तिरा।

इब्रानियों 10:39

पर अहें हटणे औल़यां चते नींये सै जे नाश हुई चुक्कीरे। पर अहें तिन्हां चते सै जे परमेशरा पर विश्वास कराँ ये कने छुटकारा पाई चुक्कीरे।

प्रेरितां 8:36

रस्ते च चलदे-चलदे सै इक्की पाणिये रिया जगह पुज्जीगे। तां खोज्जे गलाया, “देख येत्थी पाणी आ, हुण मिन्जो बपतिस्मा लेणे च क्या रोक इ।”

मरकुस 16:16

सै जे विश्वास करो कने बपतिस्मा लओ तिसरा इ छुटकारा हूणा, पर सै जे विश्वास नीं करगा सै दोषी समझया जाणा;

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

2 कुरिन्थियों 4:3

जिसा खुशखबरिया रा जे अहें प्रचार कराँ ये, जे तिसजो लोक समझी नीं पायें, तां सै नाश हुणे औल़े लोक इ हाये सै जे समझदे नींये।

1 कुरिन्थियों 1:18

काँह्भई क्रूसा रा सन्देश नाश हुणे औल़यां रे खातर मूर्खता इ, पर अहां छुटकारा पाणे औल़यां रे खातर ये परमेशरा री सामर्थ इ।

रोमियो 5:21

भई तियां जे सारयां लोकें पाप कित्या कने सै सारे मरीगे, तियां इ परमेशरा रा अनुग्रह अहां पर राज कराँ कने परमेशरे अहांजो अहांरे प्रभु यीशु मसीह रिया वजह ते धर्मी बणाया। इसरा मतलब अहांजो अनन्त जीवन मिलणा।

प्रेरितां 13:41

“‘हे निंध्या करने औल़यो, देक्खा कने हैरान होआ, कने मिटी जावा; काँह्भई हऊँ तुहांरे दिनां च इक काम्म करया राँ, येढ़ा काम्म सै जे कोई तुहांजो चर्चा करो, तां तुहां कदीं बी विश्वास नीं करना।’”

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

मत्ती 25:46

फेरी इन्हां बुरयां लोकां अनन्त काल री सजा भुगतणी कने धर्मी लोकां अनन्त काल री जिन्दगी पाणी।”

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”