यूहन्ना 19:11 - बिलासपुरी नौआं नियम

¹¹ यीशुये तिस्सो जबाब दित्या, “जे परमेशरा रिया तरफा ते तिज्जो अधिकार नीं दित्या हुन्दा; तां तेरा मांह पर कोई अधिकार नीं हुंदा; इस खातर तिने माहणुये जे मिन्जो तेरे हवाले कित्तिरा, तिसरा पाप जादा।”

यूहन्ना 19:11 Referans Kwoze

रोमियो 13:1

हर इक्की माहणुये जो अधिकारियां रे अधीन रैहणा चाहिन्दा, काँह्भई कोई अधिकार येढ़ा निआं सै जे परमेशरा रिया तरफा ते निआं; कने सै जे अधिकार ये, सै परमेशरे दित्तिरे।

यूहन्ना 3:27

यूहन्ने जबाब दित्या, ताहलुआं तक जे किसी माहणुये जो स्वर्गा ते नीं दित्या जाओ, ताहलुआं तक सै किछ नीं पाई सकदा।

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।

यूहन्ना 7:30

तिसरिया इसा गल्ला पर सै यीशुये जो गिरफ्तार करना चाहया, पर कोई बी तिसजो हात्थ नीं पाई सक्कया, काँह्भई तिसरा बगत हल्तियें नीं आईरा था।

याकूब 1:17

काँह्भई हर इक खरा कने हर इक उत्तम बरदान समाणा रियां जोतियां रे बनाणे औल़े परमेशर अहांरे पिता रिया तरफा तेई मिलां। परमेशर सदा इक्को जेआ रेआं कने सै छौंवा साई कदीं नीं बदलदा।

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

याकूब 4:17

इस खातर सै जे भलाई करना जाणाँ, पर करदा नींआ, तिसरे खातर ये पाप आ।

रोमियो 11:36

काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

प्रेरितां 4:28

भई जो किछ पैहले ते तेरिया सामर्था कने बुद्धिया ते ठहराईरा सैई करो।

मत्ती 27:2

फेरी सै तिस्सो बन्हीने दूर लेईये कने राजपाल पिलातुसा रे हत्थे सौंपीत्या।

मरकुस 14:44

तिसरे पकड़वाणे औल़े तिन्हांजो ये संकेत दित्या था : “तिसजो जे हऊँ गल़े लगांगा सैई यीशु आ; तिस्सो पकड़ीने सावधानिया ने लेई जायां।”

यूहन्ना 18:3

तांई यहूदा, अपणे सौगी रोमी सेना रे हथियारा औल़े माहणुआं, कने मुखियायाजकें कने फरीसियां रे भेजीरे सपाईयां जो मशालां कने हथियाराँ समेत लईने, तित्थी आईग्या।

यूहन्ना 9:41

यीशुये तिन्हांने गलाया, “जे तुहें अन्हे हुन्दे तां पापी नीं ठहरदे; पर तियां जे तुहें बोल्लां ये भई तुहें देक्खी सक्कां ये, इस खातर तुहांजो माफ नीं कित्या जाणा।”

लूका 22:53

ताहली जे हऊँ हर रोज मन्दरा च तुहांजो सौगी हुआं था, तां तुहें तिस बगत मिन्जो काँह नीं पकड़या? पर ये तुहांरा बगत आ, सै बगत, ताहली जे अन्धेरे री ताकत काम्म कराँ इ।”

मत्ती 26:65

महायाजक येढ़ा सुणी ने इतणा गुस्सा हुईग्या भई सै अपणे कपड़े फाड़दे हुये बोलणे लगया, “इने परमेशरा री निंध्या किति, हुण अहांजो होर गवाह नीं चाहिन्दे? तुहें सारयां इसजो परमेशरा रे बरोधा च बोलदे हुये सुणया।

यूहन्ना 18:13

कने तिस्सो बन्हीने पैहले हन्ना लौ लईगे, सै जे तिस साल्ला रे महायाजक कैफा रा ससुर था

यूहन्ना 19:10

इस पर पिलातुसे तिस्सो बोल्या, क्या तू मेरने गलाणा नीं चाहन्दा? क्या तू नीं जाणदा भई मिन्जो तिज्जो छडणे रा बी अधिकार आ कने तिज्जो क्रूसा पर चढ़ाणे रा बी अधिकार आ।