यूहन्ना 17:5 - बिलासपुरी नौआं नियम

⁵ हुण तू, हे पिता अपणिया उपस्थितिया च मिन्जो तिसा महिमा ते महिमामय कर, सै महिमा जे मेरी संसारा रिया सृष्टिया ते पैहले तुहां सौगी थी।

यूहन्ना 17:5 Referans Kwoze

1 पतरस 1:20

परमेशरे मसीह जो इस संसारा रिया सृष्टिया ते पैहले इ चुणीलरा था, पर तुहां लोकां रिया भलाईया रे खातर तिस्सो इन्हां आखरी दिनां च प्रगट कित्या।

यूहन्ना 10:30

हऊँ कने मेरा पिता इक ये।”

फिलिप्पियां 2:6

भले इ परमेशरा साई तिसरा स्वाभाव था, फेरी बी तिने परमेशरा रे बराबर हुणे री सारी शक्तियां कने अपणे खास अधिकाराँ जो रखणे पर जोर नीं दित्या।

इब्रानियों 1:10

कने परमेशर ये बी बोलां भई, “प्रभु, तैं सब्बीं ते पैहले धरतिया री सृष्टि कित्ती कने स्वर्गा री बी सृष्टि कित्तिरी।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

यूहन्ना 8:58

यीशुये तिन्हाने जबाब दित्या, “हऊँ तुहांजो सच्च बोलां, भई अब्राहम रे पैदा हुणे ते पैहले, हऊँ था कने हऊँ आ।”

यूहन्ना 1:18

परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

यूहन्ना 14:9

यीशुये तिस्सो गलाया, “फिलिप्पुस, क्या हऊँ तुहांजो सौगी लम्बे वगता तक नीं रया, कने तुहें मेरे बारे च हुण मनी जाणदे? तिने जे मिन्जो देखील्या तिने पिता जो देखील्या। तुहें काँह बोलां ये, भई ‘अहांजो पिता जो दस?’

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

यूहन्ना 3:13

कोई स्वर्गा जो नीं गया, पर सिर्फ माहणुये रा पुत्र यनिके हऊँ, सै जे स्वार्गा ते उतरी ने आईरा।

प्रकाशितवाक्य 3:21

सै जे जय पाओ मांह तिस्सो अपणे सौगी अपणे संघासणा पर बठालणा, तियां जे हऊँ बी जय पाईने अपणे पिता सौगी तिसरे संघासणा पर बैठिरा।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

1 यूहन्ना 1:2

परमेशरे तिस्सो संसारा च भेज्या, कने अहें तिस्सो देक्खीरा, कने तुहांजो तिस अनन्त जीवना रे बारे च दस्या कने घोषणा कित्ती सै जे पिता परमेशरा सौगी था कने हुण अहांरे बिच रैहणे रे खातर आया)।

यूहन्ना 17:1

यीशु अपणे चेलयां ने ये गल्लां बोलणे ते बाद, स्वर्गा खौ देखीने गलाणे लगया, “मेरे पिता सै वगत आईगरा अपणे पुत्रा री महिमा कर, इस खातर भई पुत्रा रे जरिये तेरी महिमा हो।

1 पतरस 1:21

तिसरे जरिये तुहें परमेशरा पर विश्वास करदे रै तिने जे तिस्सो मूईरेयां चते जिऊंदा कित्या कने तिस्सो महिमा दित्ति, इस खातर तुहांरी आस कने तुहांरा विश्वास परमेशरा पर हुण मजबूत आ।