यूहन्ना 16:2 - बिलासपुरी नौआं नियम

² तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

यूहन्ना 16:2 Referans Kwoze

यूहन्ना 9:22

तिसरयां मौ-बुढ़यां ये गल्लां इस खातर बोल्ली काँह्भई सै यहूदी अगुवेयां ते डराँ थे, काँह्भई तिन्हां च इसा गल्ला रा येक्का हुई चुक्कीरा था, भई जे कोई यीशुये जो मसीह मन्नो, तां सै यहूदी सभा घर ते बाहर कड्डी दित्या जाओ।

मत्ती 10:28

तिन्हां लोकां ते मता डरदे सै जे तुहांरे शरीरा जो खत्म करी सक्कां ये, पर तुहांरिया आत्मा जो नीं मारी सकदे, बस तिस परमेशरा ते डरा सै जे तुहांरे शरीरा जो कने तुहांरिया आत्मा जो नरका च पाईने खत्म करी सक्कां।

प्रकाशितवाक्य 6:9

ताहली जे मेमने पंजवीं सील तोड़ी, तां मैं बेदिया रे थल्ले तिन्हांरे प्राणां जो देख्या, सै जे परमेशर रे वचनां रिया वजह ते, कने तिसा गवाहिया रिया वजह ने सै जे तिन्हें दित्ति, मारी दित्ते गये थे।

यूहन्ना 12:42

तां बी अधिकारियां चते बौहतीं तिस पर विश्वास कित्या, पर सै फरीसियां रिया वजह ते यीशुये जो सब्बीं रे सामणे इस खातर नीं ग्रहण करां थे, भई सै किति यहूदी सभा घर चते तिन्हाजो कड्डी नीं देओ;

लूका 6:22

परमेशरा तुहांजो आशीष देणी, ताहली जे माहणुये रे पुत्रा रिया वजह ने लोकां तुहांजो बैर करना, कने तिस पर विश्वास करने औल़यां जो बुरा समझीने नकाल़ी देणा, कने तुहांरी निंध्या करनी, कने तुहांरा नौं बुरा जाणीने कटी देणा।”

1 कुरिन्थियों 4:13

ताहली जे लोक अहांजो बदनाम कराँ ये, तां अहें विनम्रता ने जबाब दें। लोक हुण बी अहांने येढ़ा बर्ताव कराँ ये मन्नो अहें संसारा रा कचरा कने समाजा रा कूड़ा कचरा ये।

प्रेरितां 7:56

कने गलाया, “देक्खा, हऊँ स्वर्गा जो खुलीरा, कने माहणुये रे पुत्रा जो परमेशरा रे सज्जे पासे खौ खढ़िरा देख्यारा।”

मत्ती 24:9

“फेरी तुहांरे शत्रुआं तुहांजो सताणे खातर पकड़वाणा, कने तुहें मरवाई देणे, काँह्भई मांह पर विश्वास करने रिया वजह ते सारी जातियां रे लोकां तुहांजो बैर रखणा।

यूहन्ना 9:34

तिन्हें तिसजो जबाब दित्या, “तू त तदका जे जम्मीरा तदका इ पापी आ, कने हुण तू अहांजो क्या सखाणे लगीरा?” कने तिन्हे तिसजो धक्के देईने यहूदी सभा घरा ते बाहर कड्डित्या।

प्रेरितां 5:33

पर महांसभा रे सदस्या ये सुणीने फुखीगे, कने प्रेरितां जो मारी देणा चाँह थे।

यूहन्ना 4:21

यीशुये तिसाजो गलाया, “ओ नारी, मेरिया गल्ला पर विश्वास कर भई सै बगत आईरां ताहली जे तुहां पिता री अराधना नांत इस पहाड़ा पर करनी, कने नांई यरूशलेम च करनी।

फिलिप्पियां 3:6

हऊँ इतणा बफादार था भई मैं मसीह विश्वासियां जो बौहत सताया, कने यहूदी व्यवस्था रा पालन करने च हऊँ धर्मी था काँह्भई मैं सारे हुक्मां रा पालन कित्या।

यूहन्ना 4:23

पर सै वगत आई चुक्कीरा, ताहली जे सच्चे भगत अहांरे पिता परमेशरा री अराधना आत्मा रिया अगुवाईया च सच्चाईया ने करगे, काँह्भई अहांरे पिता अपणे खातर येढ़े इ भगतां जो टोल़ां ये।

यूहन्ना 16:25

“ये सब गल्लां मैं तुहांजो कहाणिया रे जरिये दस्सियां : पर सै बगत आयाराँ ताहली जे माह उदाहरणा च तुहांजो किछ मनी गलाणा, पर पिता परमेशरा रे बारे च सारियां गल्लां साफ-साफ दसणियां।

यूहन्ना 16:32

सुणो, सै बगत आया रां, पर आईग्या, ताहलूं जे तुहां सब्बीं लग-लग हुई जाणा, मिन्जो कल्हे जो छड्डिने, अपणे-अपणे घराँ जो चली जाणा। फेरी भीं हऊँ कल्हा निआं, काँह्भई मेरा पिता मेरने सौगी आ।