यूहन्ना 15:5 - बिलासपुरी नौआं नियम

⁵ सै बेल हऊँ इ कने तुहें तिसरियां डाल़ियां इ। सै जे मांह च बणीरा रैआं, कने हऊँ तिसच, तां सै बौहत फल़वन्त हुआं, काँह्भई मेरते बिणा तुहें किछ नीं करी सकदे।

यूहन्ना 15:5 Referans Kwoze

फिलिप्पियां 4:13

सै जे मिन्जो सामर्थ देआं, तिसरे जरिये हऊँ सब किछ करी सक्कां।

कुलुस्सियां 1:10

ताकि तियां जे प्रभु चाँह तुहें तियां जी सकगे, कने तुहां हरेक गल्ला च प्रभुये जो खुश करना, कने तुहां हर तरिके रे भले काम्म करदयां रैहणा, कने तुहें परमेशरा जो अच्छे तरिके ने जाणगे।

यूहन्ना 15:16

तुहें मिन्जो नीं चुणया, पर मैं तुहांजो अपणे खातर चुणीरा; कने नियुक्त कित्तिरा भई तुहें जाओ कने कामयाब हुईने औआ, हऊँ चांह भई तुहांरी कमयाबी बणीरी रौ, काँह्भई ताहलूं जे तुहें पिता ते मेरे चेले हुणे रे नाते जो किछ मंग्गो, तां सै तुहांजो मिली जाओ।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

2 कुरिन्थियों 13:8

हकीकत च अहें सच्चाईया रे बिरोधा च किछ करी नीं सकदे, पर अहें त सै जे कराँ यें, सच्चाईया रे खातर इ कराँ ये।

यूहन्ना 5:19

इस पर यीशुये तिन्हांजो गलाया, “हऊँ तुहांजो सच्चाई दस्सां, भई पुत्र यनि हऊँ खुद अपणे आप किछ मनी करी सकदा, सै सिर्फ तियां कराँ तेढ़ा जे सै पिता परमेशरा जो करदे देक्खां; काँह्भई तिन्हां-तिन्हां कम्मां जो जे सै कराँ तिन्हांजो हऊँ पुत्र बी तियां इ कराँ।

याकूब 1:17

काँह्भई हर इक खरा कने हर इक उत्तम बरदान समाणा रियां जोतियां रे बनाणे औल़े परमेशर अहांरे पिता रिया तरफा तेई मिलां। परमेशर सदा इक्को जेआ रेआं कने सै छौंवा साई कदीं नीं बदलदा।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।

यूहन्ना 12:24

हऊँ तुहांजो सच-सच बोलां भई तदुआं तकौ जे कणका रा दाणा मिट्टिया च मिलीने मरी नीं जान्दा, तदुआं तकौ सै कल्हा इ रई जां; पर तंजे मरी जां, तां मता फल़ ल्यावां।

रोमियो 7:4

तियां इ मेरे साथी विश्वासियो, तुहें बी मसीह रिया देहा रे जरिये व्यवस्था खातर मरी चुक्कीरे, इस खातर हुण तुहें बी किसी दुज्जे ने नाता जोड़ी सक्कां ये, सै जे मूईरयां चते जिऊंदा हुईग्या: ताकि अहें परमेशरा री सेवा करी सक्को।

फिलिप्पियां 1:11

तियां जे इक पेड़ फल़ देआं तियां इ तुहें यीशु मसीह रिया सामर्था रे जरिये भलयां कम्मां जो करगे, इसच बधदे रौआ तिसते जे परमेशरा री महिमा कने स्तुति हुन्दी रौ।

यूहन्ना 9:33

ये माहणु परमेशरा रिया तरफा ते आ, तांई सै ये सब करी पाया।”

फिलिप्पियां 4:17

हऊँ ये नीं बोलां भई हऊँ उपहार लेणे रा इच्छुक आ, पर तुहांरिया सहायता रिया वजह ते हऊँ तुहांजो परमेशरा री आशीष पान्दे हुये देखणा चाँह।

रोमियो 6:22

पर हुण तुहांजो पापा ते छुटकारा मिली चुक्कीरा कने तुहें परमेशरा रे दास बणी चुक्कीरे। इस खातर इन्हां तुहांजो पवित्र बनाणा कने अनन्त जीवना री तरफ लेई जाणा।

प्रेरितां 4:12

कने किसी दुज्जे ते छुटकारा निआं; काँह्भई सारे संसारा च यीशुये ते इलावा होर कोई दुज्जा नौं नीं दित्तिरा, भई तिसते जे अहांजो छुटकारा मिली सक्को।”

1 कुरिन्थियों 12:12

काँह्भई तियां जे देह त इक इ कने तिसरे अंग बौहत ये, कने तिसा इक्की देहा रे बौहत अंग हुणे पर बी सब मिलीने इक इ देह इ, तियां इ मसीह बी आ।

1 पतरस 2:4

प्रभु यीशुये ले औआ सै जे जीवित पत्थर आ, तिसजो जे लोके निकम्मा समझीने त्यागी तरा, पर परमेशरे तिसजो चुणया कने सै तिसरे खातर कीमती आ।

1 कुरिन्थियों 12:27

इयां इ तुहें सब मिलीने मसीह री देह ये, कने लग-लग तिसरे अंग ये;

इफिसियां 5:9

काँह्भई ज्योति हर किस्मा री भलाई, धार्मिकता कने सच्चाई पैदा कराँ इ।

2 कुरिन्थियों 9:10

काँह्भई परमेशर इ करसाणां जो ब्यू देआं कने खाणे जो रोटी देआं। तियां इ तुहांले सै किछ जे हाया परमेशर तिसजो बधान्गा, ताकि सै जे जरूरत मन्द लोक ये तिन्हांजो तुहें होर बी जादा देई सक्को।

कुलुस्सियां 1:6

बौहत सारी जगहां पर लोक मसीह रिया खुशखबरिया पर विश्वास करी राँये, कने बौहत लोक विश्वासी बणिगे कने इस तरिके ने व्यवहार कराँ ये सै जे परमेशरा जो खुश कराँ। जिस दिना ते तुहें तिसजो सुणया कने सच्चाईया जो समझया भई परमेशर खुशिया ने तिन्हांरे पापां जो माफ कराँ सै जे मसीह पर विश्वास कराँ ये, तियां जे तुहांरे सुणने रे पैहले दिना तेई तुहांरा जीवन बदलिग्या।

रोमियो 12:5

तियां इ हलाँकि अहें बौहत सारे, पर मसीह च अहें इक जिस्मा रे रुपा च हुई जायें, इस तरिके ने अहें सारे मसीह विश्वासी इक दुज्जे सौगी जिस्मा रे अंगा साई जुड़ी जायें।

1 कुरिन्थियों 10:16

सै कटोरा जे अहें प्रभु भोज्जा च इस्तेमाल कराँ ये कने तिस खातर जे अहें प्रभुये रा धन्यवाद कराँ ये: ताहली जे अहें तिस चते पीयें तां अहें मसीह रे खून्ना च सहभागी हुआं ये। कने रोटी सै जे अहें तोड़ां यें: ताहली जे अहें इसाजो खांये तां अहें मसीह रिया देहा च सहभागी हुआं ये।

मत्ती 13:21

पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।