यूहन्ना 13:8 - बिलासपुरी नौआं नियम

⁸ पतरसे तिसने बोल्या, मांह कदीं बी अपणे पैर तेरते नीं धुआणे। यीशुये तिस्सो जवाब दित्या, जे हऊँ तेरे पाँव नीं धोऊं तां तेरी मेरे सौगी कोई संगती नीं।

यूहन्ना 13:8 Referans Kwoze

तीतुस 3:5

तां तिने अहांरे पापां रिया सजा ते अहांजो बचाया; कने ये भलयां कम्मां रिया वजह ते नीं, सै जे अहें अप्पूँ कित्ते थे, पर अपणी दया रिया वजह ते। परमेशरे अहांजो नया जीवन दित्या कने तिने अहांरे पापां जो अहांते दूर करीने इक नये तरिके ने बर्ताव करने खातर अहांरी मदद कित्ती; तिने अहांरे अन्दर पवित्र आत्मा जो रखणे रे जरिये ये कित्या।

प्रेरितां 22:16

हुण देर काँह करया राँ? उट्ठ बपतिस्मा लै, कने यीशु मसीह पर विश्वास कर ताकि परमेशर तेरे पाप माफ करो’।”

इब्रानियों 10:22

इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।

इफिसियां 5:26

ताकि सै तिसाजो वचना रे जरिये पाणिये ने नैहलाईने शुद्ध करो कने पवित्र बणाओ,

1 कुरिन्थियों 6:11

कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

प्रकाशितवाक्य 7:14

मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

कुलुस्सियां 2:23

ये नियम हकीकत च ज्ञाना साई लगां ये, काँह्भई ये लोकां जो परमेशरा ने बौहत प्यार करने रे खातर कने अप्पूँजो नम्र करने, कने अपणे शरीरा जो दुख देणे रे खातर सखां, पर ताहली जे भई लोक इन्हां सारयां नियमां रा पालन कराँ ये फेरी बी अपणियां बुरियां इच्छां जो रोकी नीं सकदे।

कुलुस्सियां 2:18

सै जिस्मा रा सिर आ। तिसते जिस्मा रा सारा हिस्सा पालन-पोषण पाईने इक साथ रैयां ये। तां ये तियां इ बधां तियां जे परमेशर इसजो बधाणा चाँह। कोई माहणु तुहौं खुद अप्पूँजो बेईज्जत करने कने स्वर्गदूतां री पूजा करने जो जोर देईने तुहांजो तुहांरा ईनाम पाणे ते दूर नीं करो। येढ़ा माहणु अपणे देखीरे दर्शणां रा बर्णन करने च लगीरा रैयां कने अपणिया संसारिक सोच्चा रिया वजह ने झूट्ठे घमण्डा च भरीरा रैयां, कने सै मसीह ने जुड़ीरे नींये।

यूहन्ना 3:5

यीशुये तिस्सो जबाब दित्या, “हऊँ तेरने सच्च बोलां, कोई बी परमेशरा रे राज्जा च दाखल नीं हुई सकदा तदुआं तक जे सै पाणिये ते कने आत्मा ते जन्म नीं लौ।

मत्ती 26:33

पतरसे तिस्सो जबाब दित्या, “चाये सारयां रा विश्वास तुहां परा ते टुटी जांगा, पर मेरा विश्वास कदीं नीं टुटणा।”

मत्ती 21:29

पुत्रे जबाब दित्या, ‘माह नीं जाणा’, पर बाद बिच तिने अपणा बिचार बदलित्या कने सै चलिग्या।

मत्ती 26:35

फेरी पतरसे तिसने गलाया, “जे मिन्जो तेरिया सौगी मरने बी पौ, तां बी मांह तेरे बारे च कदीं नीं मुकरना।” कने बाकी सारयां चेलयां बी येढ़ा इ गलाया।

मत्ती 16:22

फेरी पतरस तिस्सो इक्की बक्खा लेईग्या कने गुस्सा हुईने बोलणे लगया, “प्रभु, परमेशर तू पर दया करो भई तूहने येढ़ा कदीं नीं ओ!”

यूहन्ना 13:6

ताहली जे यीशु शमौन पतरसा लौ आया, पतरसे बोल्या, प्रभु, क्या तुज मेरे पैर धोणे?

यूहन्ना 13:9

इस पर शमौन पतरसे बोल्या, प्रभु, तां तू मेरे पैर इ नीं सिर कने हत्थ बी धोई दे।