यूहन्ना 12:10 - बिलासपुरी नौआं नियम

¹⁰ इस खातर मुखियायाजकें लाजरा जो बी मारने री योजना बणाई,

यूहन्ना 12:10 Referans Kwoze

लूका 16:31

पर अब्राहमे तिसजो गलाया, भई तां जे सै मूसा कने भविष्यवक्तयां रियां गल्लां रा पालन नीं करदे, तां जे मरीरेआं चा ते कोई जिऊंदा हुई जाओ, तां बी तिन्हां तिस पर विश्वास नीं करना।

मत्ती 2:16

ताहली जे राजा हेरोदेस ये जाणिग्या, भई जोतषियें तिसने चाल खेल्ही, तां सै गुस्से च लाल पील़ा हुईग्या, तिने अपणे सिपाईयां जो हुक्म दित्या भई बैतलहम कने तिसरे अक्खा-बक्खा रे इलाके रे दुईं साल्लां रे या इसते छोट्टयां बच्चयां री, हत्या करी दित्ति जाओ। (जोतषियां रे दस्सीरे बगता जो आधार बणाईने)

यूहन्ना 11:57

मुखियायाजकें कने फरीसियें यीशुये जो गिरफ्तार करने रे मकसदा ने ये हुक्म दित्या था भई जे किसी माहणुये जो पता चली जो भई यीशु किति आ? तां सै इसरी सूचना अहांजो देओ, ताकि अहें तिस्सो पकड़ी सक्को।

मत्ती 12:14

फेरी फरीसी तित्थी ते बाहर चलीगे कने तिस्सो मारने रे खातर इक दुज्जे ने मिलीने मारने री तरकीब सोचणे लगे।

यूहन्ना 12:9

यहूदी लोकां री इक बड्डी भीड़ा जो ताहली जे ये पता लगया भई यीशु ऊत्थी बैतनिय्याह च था, तां लोक तिसने मिलणे जो आए। सै न सिर्फ यीशुये जो बल्कि तिस लाजरा जो बी देखणे खातर आए थे, तिस्सो जे यीशुये मूईरयां चते जिऊंदा कित्या था।

यूहन्ना 12:11

काँह्भई तिसरिया वजह ते बौहत सारे यहूदी लोकें अपणे अगुवेयां जो छड्डिने यीशुये पर विश्वास कित्या।