यूहन्ना 11:16 - बिलासपुरी नौआं नियम

¹⁶ फेरी थोमा तिस्सो जे दिदुमुस बोलां ये, तिने अपणयां साथी चेलयां ने बोल्या, “औआ, अहें बी प्रभुये ने तित्थी चलिये ताकि अहें बी तिस सौगी मरी सक्को।”

यूहन्ना 11:16 Referans Kwoze

यूहन्ना 21:2

शमौन पतरस, थोमा यनि दिदुमुस (तिस्सो जे जुड़वा बोलां ये), गलील जिले रे काना गाँवां रा नतनएल, कने जब्दिये रे दोन्नों पुत्र कने यीशुये रे चेलयां चते दो होर चेले तित्थी नदिया रे कनारे पर कट्ठे थे।

यूहन्ना 13:37

पतरसे तिसते पुच्छया, “प्रभु जी, हुण हऊँ कांह् नीं आई सकदा? हऊँ तेरे खातर मरने जो त्यार आ।”

मत्ती 10:3

फिलिप्पुस, बरतुल्मै, थोमा, टैक्स लेणे औल़ा मत्ती, हलफई रा पुत्र याकूब कने तद्दै।

लूका 6:15

मत्ती तिसरा दुज्जा नौं जे लेवी था, थोमा, कने हलफई रा पुत्र था याकूब, शमौन, सै जे यहूदी दला रा इक सदस्य था कने तिने जे रोमी सरकारा रे बिरोधा च लोकां जो बिद्रोह करने रे खातर उत्साहित कित्या था,

मरकुस 3:18

कने अन्द्रियास, फिलिप्पुस, बरतुल्मै, मत्ती, थोमा, हलफईया रा पुत्र याकूब, तद्दै, शमौन सै जे यहूदी दला रा इक सदस्य था सै दल जे रोमी सरकारा रे बिरोधा च लोकां जो बिद्रोह करने रे खातर उत्साहित कराँ था।

मत्ती 26:35

फेरी पतरसे तिसने गलाया, “जे मिन्जो तेरिया सौगी मरने बी पौ, तां बी मांह तेरे बारे च कदीं नीं मुकरना।” कने बाकी सारयां चेलयां बी येढ़ा इ गलाया।

प्रेरितां 1:13

तां जे सै तित्थी पुज्जे तां सै तिस बौढ़ी रे कमरे च गये, तित्थी जे पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई रा पुत्र याकूब, शमौन जेलोतेस कने याकूब रा पुत्र यहूदा रैयां थे।

यूहन्ना 14:5

थोमे तिस्सो गलाया, हे प्रभु, अहें नीं जाणदे, भई तू किति जाया राँ। फेरी तित्थी रा रस्ता अहें कियां जाणी सक्का यें?

यूहन्ना 11:8

चेलयां तिसने बोल्या, “गुरू जी, किछ दिन पैहले यहूदी अगुवे तूह पर पत्थराव करने री कोशिश करी रां थे, कने तू फेरी बी तित्थी जोई जाया राँ।”

लूका 22:33

पर पतरसे बोल्या, “प्रभु जी, हऊँ तेरे खातर जेल्ला जाणे जो त्यार आ, कने येत्थी तक भई तेरे सौगी मरने रे खातर बी त्यार आ।”

यूहन्ना 11:15

कने हऊँ तुहांरिया वजह ने फैदे च रैया भई हऊँ तित्थी नीं था; काँह्भई हुण तुहें मांह पर विश्वास करी सक्को। औआ हुण अहें तिसलौ चलिये।”