यूहन्ना 1:7 - बिलासपुरी नौआं नियम

⁷ सै गवाह बणीने आया भई सै लोकां जो ज्योतिया रे बारे च गवाही देई सक्को, ताकि सारे लोक तिसरे जरिये तिस पर विश्वास करी सक्को।

यूहन्ना 1:7 Referans Kwoze

प्रेरितां 19:4

पौलुसे गलाया, “यूहन्ने ये बोलीने मन फिराणे रा बपतिस्मा दित्या भई सै जे मेरे बाद औणे औल़ा, तिस पर यनि यीशु मसीह पर विश्वास करयों।”

यूहन्ना 1:36

कने तिने यीशुये जो सामणे जान्दे हुये देख्या कने गलाया, “देक्खा ये परमेशरा रा मेमना।”

यूहन्ना 1:12

पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये।

यूहन्ना 1:9

सच्ची ज्योति इस संसारा च औणे औल़ी थी सै जे हर इक माहणुये जो अपणे ज्ञाना च चमकांई।

यूहन्ना 1:15

यूहन्ने तिसरे बारे च गवाही दित्ति, कने जोरा ने बोल्या, “येई हाया सै, तिसरा जे मैं बखान कित्या भई सै जे मेरे बाद तुहांजो प्रचार करने आई कराँ, सै सामर्था च माहते बधी नेआ, काँह्भई सै माहते पैहले था।”

2 पतरस 3:9

प्रभु अपणे बायदे पूरा करने च देर नीं लगान्दा, तियां जे भई किछ लोक सोच्चां ये। बल्कि सै अहांरे प्रति धीरज रखां, काँह्भई सै नीं चाहन्दा भई कोई बी माह्णु नाश हो, पर सै त चांह भई सारे लोक पापां ते मन फिराई लो।

तीतुस 2:11

विश्वासियां जो इस तरीके ने सिखा, काँह्भई परमेशरे सारयां लोकां जो पापा ते छडवाणे रा रस्ता दस्सीने अपणा अनुग्रह प्रगट कित्तिरा।

इफिसियां 3:9

भई हऊँ सारयां लोकां पर ये परगट करी सक्कूँ भई कियां परमेशरे अपणिया छुपी रिया योजना जो पूरा कित्या, सै जे युगां ते परमेशरा च छिपिरा था तिने जे सब किछ बणाईरा।

1 तिमुथियुस 2:4

सै जे ये चांह भई सब्बीं माहणुआं रा छुटकारा हो, कने सै सच्चाईया जो ठीक-ढंगा ने पछयाणी लो।

यूहन्ना 1:19

यूहन्ने री गवाही येई, भई ताहली जे यहूदी अगुवेयां यरूशलेम ते याजकां कने लेवियां जो तिसते ये पुछणे खातर भेज्या भई “तू कुण आ?”

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।