यूहन्ना 1:44 - बिलासपुरी नौआं नियम

⁴⁴ फिलिप्पुस बैतसैदा नगरा रा निवासी था। तित्थी अन्द्रियास कने पतरस बी रैयां थे।

यूहन्ना 1:44 Referans Kwoze

यूहन्ना 12:21

तिन्हें गलील प्रदेशा रे बैतसैदा नगरा रे रैहणे औल़े फिलिप्पुसा ले जाईने विनती कित्ती, “श्रीमान! अहें यीशुये ने मिलणा चांये।”

मत्ती 11:21

“खुराजीन कने बैतसैदा नगरा रे लोकां जो परमेशरा भयानक सजा देणी! काँह्भई तुहां च सै जे सामर्था रे काम्म कित्ते गये, जे सैई काम्म सूर कने सैदा रे नगराँ च कित्तिरे हुन्दे, तां उत्थीरे लोक बौहत पैहले टाट ओडीने, कने अपणे जिस्मा पर धूड़ मल़ीने, खेद मनान्दे हुये मन फिराई चुक्कीरे हुन्दे।

लूका 10:13

“ओ खुराजीन शहर कने बैतसैदा नगरा रे लोको, तुहांजो भयानक सजा भुगतणे पौणी! काँह्भई सै चमत्कारा रे काम्म जे मैं तुहांरे नगराँ च कित्ते, जे मैं सै वेई चमत्कार सूर कने सैदा साई बुरे नगरा च कित्ते हुन्दे तां ऊथी रे दुष्ट लोक बोरियां ने बणीरे कपड़े पहनीने कने अपणे जिस्मा पर राख मल़ीने कधकयां अपणयां पापां रा दुख परगट करी लेया हुंदा।

लूका 9:10

फेरी प्रेरिते मुड़ीने आईने, जो किछ तिन्हें कित्या था तिसजो दस्सीत्या, कने सै तिन्हांजो अलग करीने चुपचाप बैतसैदा नगरा जो लेईग्या।

मरकुस 8:22

यीशु कने तिसरे चेले बैतसैदा नगरा च आये; कने किछ लोक इक्की अन्हे जो यीशुये ली आये कने तिसने अरज किति भई तिस्सो छुओ।

मरकुस 6:45

फेरी यीशुये इकदम अपणयां चेलयां जो किश्तिया पर चढ़ाया भई सै तिसते पैहले इ बैतसैदा नगरा रे दुज्जे कनारे जो चली जाओ, तदुआं तकौ जे सै पिछे रुकीने लोकां जो विदा करां।

मरकुस 3:18

कने अन्द्रियास, फिलिप्पुस, बरतुल्मै, मत्ती, थोमा, हलफईया रा पुत्र याकूब, तद्दै, शमौन सै जे यहूदी दला रा इक सदस्य था सै दल जे रोमी सरकारा रे बिरोधा च लोकां जो बिद्रोह करने रे खातर उत्साहित कराँ था।

मत्ती 10:3

फिलिप्पुस, बरतुल्मै, थोमा, टैक्स लेणे औल़ा मत्ती, हलफई रा पुत्र याकूब कने तद्दै।

प्रेरितां 1:13

तां जे सै तित्थी पुज्जे तां सै तिस बौढ़ी रे कमरे च गये, तित्थी जे पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई रा पुत्र याकूब, शमौन जेलोतेस कने याकूब रा पुत्र यहूदा रैयां थे।

लूका 6:14

सै यो थे, शमौन तिसरा जे तिने नया नौं पतरस रक्खया; अन्द्रियास, पतरसा रा छोट्टा भाई; याकूब कने तिसरा भाई, यूहन्ना; फिलिप्पुस; बरतुल्मै;

यूहन्ना 1:43

अगले दिन यीशुये गलील प्रदेशा च जाणे रा निश्चा कित्या। सै फिलिप्पुस ने मिलया कने गलाया, “मेरे पिच्छे चली औ।”

यूहन्ना 1:45

फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।”

यूहन्ना 1:46

फेरी नतनएले तिसते पुच्छया, “क्या कोई खरी चीज़ नासरत ते बी निकल़ी सक्कां इ?” फिलिप्पुसे तिसने गलाया, “जाईने देक्खी लें।”

यूहन्ना 1:48

नतनएले यीशुये ते पुच्छया, “तुहें मिन्जो कियां जाणाँ?” यीशुये तिसजो जबाब दित्या, “इसते पैहले भई फिलिप्पुसे तिज्जो सद्दया, ताहली तू अंजीरा रे डाल़ा हेठ था, तां मैं तिज्जो देख्या था।”

यूहन्ना 6:5

फेरी यीशुये बौहत लोकां री भीड़ अपणे खौ औन्दी देक्खी, कने फिलिप्पुसा ने गलाया भई “अहां इन्हांरे खाणे खातर रोटी किति ते खरीदी ने लौणी?”

यूहन्ना 6:7

फिलिप्पुसे तिसजो जबाब दित्या, “दो सौ दिनार आम माहणुये रे खातर तकरीवन दो सौ दिनां री मजदूरी थी, रोटिया रिया कमिया रे दौरान (इतणे जादा लोकां रे खातर आस-पास रे गाँवां ते रोटी कठेरी सक्कां ये ) इक दिना री मजदूरी सिर्फ इक्की परिवारा जो ख्वाई सक्कां इ।”

यूहन्ना 12:22

फिलिप्पुसे आईने अन्द्रियासा ने बोल्या, तां अन्द्रियासे कने फिलिप्पुसे जाईने यीशुये जो बोल्या।