यूहन्ना 1:12 - बिलासपुरी नौआं नियम

¹² पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये।

यूहन्ना 1:12 Referans Kwoze

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

रोमियो 8:14

काँह्भई जितने लोक परमेशरा रिया आत्मा जो अपणे जीवना च अगुवाई करने री अनुमति दें, सैई परमेशरा रे बच्चे।

1 यूहन्ना 3:1

बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।

गलातियां 4:6

काँह्भई तुहें परमेशरा रे बच्चे हो, इस खातर परमेशरे अहांरे दिलां च अपणे पुत्रा री आत्मा भेज्जी, सैई आत्मा परमेशरा जो “हे अब्बा, हे पिता, बोलीने पुकाराँ।”

यूहन्ना 3:18

सै जे परमेशरा रे पुत्रा पर विश्वास कराँ, तिस पर सजा देणे रा हुक्म नीं हुन्दा, पर सै जे तिस पर विश्वास नीं करदा, सै दोषी हुई चुक्कीरा; काँह्भई तिने परमेशरा रे इकलौते पुत्रा पर विश्वास नीं कित्या।

कुलुस्सियां 2:6

इस खातर तियां जे तुहें यीशुये जो मसीह कने प्रभुये रे रुपा च ग्रहण कित्तिरा, तियां इ हुण लगातार तिसरा अनुशरण करदे रौआ,

मत्ती 10:40

“सै जे तुहांजो ग्रहण कराँ, सै मिन्जो ग्रहण कराँ; कने सै जे मिन्जो ग्रहण कराँ, सै मेरे भेजणे औल़े जो ग्रहण कराँ।

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

2 पतरस 1:4

इन्हां सब्बीं रे जरिये परमेशरे अहांजो बौहत महान कने बौहत कीमती बरदान दित्ते, तिन्हांजो देणे रा जे तिने वायदा कित्या था, ताकि इन्हां बरदान्नां रे जरिये तुहें संसारा रियां बुरियां इच्छां ते बची सक्को सै जे लोकां जो नाश कराँ इयां कने तुहें परमेशरा रे अपणे स्वभावा च शामिल हुणे खातर आई सक्को।

मत्ती 12:21

फेरी अन्यजातियां रे लोकां मसीह रे ऊपर आशां रखणियां।”

1 यूहन्ना 3:23

कने तिसरा हुक्म येआ: भई अहें तिसरे पुत्र यीशु मसीह रे नौआं पर विश्वास करिये कने तियां जे तिने अहांजो हुक्म दित्या तिसरे मुतावक अहें इक दुज्जे ने प्यार रखिये।

प्रेरितां 3:16

कने तिस विश्वासा ते सै जे यीशु मसीह रिया वजह ने, इस माहणुये जो तिस्सो जे तुहें जाणाँ ये कने तिस्सो जे तुहें इस वगत बी देख्या राँये, सामर्थ दित्ति गैईरी। सै माहणु यीशुये रे नौआं च कने यीशु मसीह च विश्वासा रे जरिये विल्कुल ठीक-ठाक हुईरा तियां जे भई तुहें अप्पूँ खुद देखी सक्कां ये।

यूहन्ना 11:52

कने नां सिर्फ तिन्हांरे खातर, पर इस खातर बी भई तिस परमेशरा रे होरीं बच्चयां खातर बी मरना, सै जे धरतिया पर बिखरीरे ताकि सै इक हुईजो।

यूहन्ना 1:7

सै गवाह बणीने आया भई सै लोकां जो ज्योतिया रे बारे च गवाही देई सक्को, ताकि सारे लोक तिसरे जरिये तिस पर विश्वास करी सक्को।

मत्ती 18:5

कने सै जे कोई मेरे नौआं ते इक येढ़े बच्चे जो ग्रहण कराँ सै मिन्जो ग्रहण कराँ।

यूहन्ना 2:23

ताहली जे यीशु यरूशलेम नगरा च फसह रे बगत त्योहारा च था, तां मतयां लोकें तिन्हां नशाणां जो जे सै दस्सां था देखीने तिस पर विश्वास कित्या।

यूहन्ना 1:11

सै अपणयां लोकां च आया काँह्भई तिन्हांजो तिने रचीरा था, पर तिन्हें बी तिस्सो ग्रहण नीं कित्या।

रोमियो 8:16

पवित्र आत्मा कने अहांरा आत्मा दोन्नों बोलां ये भई अहें परमेशरा रे बच्चे;

रोमियो 8:19

काँह्भई ये सृष्टि बड़िया आशा ने तिसा घड़िया रा इन्तजार करी राईं ताहली जे परमेशरा अपणयां बच्चयां जो परगट करना।

1 यूहन्ना 3:2

मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।

1 यूहन्ना 3:10

इसते अहें जाणाँ ये भई कुण परमेशरा री सन्तान इ कने कुण शैतान्ना री सन्तान इ; सै माहणु जे धर्मा रे काम्म नीं करदा सै परमेशरा रा निआं, कने नांई सै अपणे साथी विश्वासिये ने कोई प्यार रखदा।