याकूब 5:14 - बिलासपुरी नौआं नियम

¹⁴ जे तुहांरे बिच कोई बमार आ, तां सै कलीसिया रे प्राचीनां जो सद्दो भई सै तेल मल़ीने प्रभुये रे नौआं ते तिसरे खातर प्राथना करो,

याकूब 5:14 Referans Kwoze

मरकुस 6:13

सै बौहत सारी बुरीआत्मां जो लोकां चते कड्डया राँ थे, कने बौहत बमार लोकां पर जैतून रा तेल मल़ीने तिन्हांजो ठीक कित्या।

प्रेरितां 28:8

पुबलियुस रा पिता बुखार कने खून बगणे रा रोगी था। इस खातर पौलुसे तिसरे कमरे च जाईने प्राथना कित्ती कने तिस परा हाथ रखीने तिस्सो ठीक करित्या।

मरकुस 16:18

जे तुहें जहरीले सर्पां जो पकड़ी लैं, तां तिन्हां तुहांरा कोई नुक्शान नीं करना कने जे तुहें खतरनाक जहर बी पी लैं, तां इसते तुहांरा कोई नुकशान नीं हूणा; तुहां बमाराँ पर हात्थ रखणे, कने तिन्हां ठीक हुई जाणा।”

तीतुस 1:5

हऊँ इसा वजह ते तिज्जो क्रेते टापुये च छड्डी आया था ताकि तू बाकी कम्मां जो सुधारी सक्को, कने मेरे हुक्मा रे मुतावक क्रेते रे हर नगरा च प्राचीनां जो नियुक्त करो।

प्रेरितां 15:4

ताहली जे सै यरूशलेम नगरा च पुज्जे, तां कलीसिया रे लोक कने प्रेरित कने प्राचीन तिन्हांने खुशिया ने मिले, कने पौलुस कने बरनबासे दस्या भई परमेशरे तिन्हांने सौगी हुईने केढ़े-केढ़े काम्म कित्तिरे थे।

प्रेरितां 14:23

कने पौलुस कने बरनबासे हरेक कलीसियां चते विश्वासी लोकां जो चुणीने तिन्हां खातर प्राचीन बणाये कने उपवास कने प्राथना करीने तिन्हांजो प्रभु यीशुये जो सौंपीत्या, तिस पर जे तिन्हें विश्वास कित्तिरा था।

प्रेरितां 9:40

तां पतरसे सब्बीं जो बाहर कड्डी त्या, कने गोडयां टेक्कीने प्राथना किति कने लाशा खौ देखीने गलाया, “हे तबीता, उट्ठ।” तां तिसे अपणिया आक्खीं खोली तियां; कने पतरसा खौ देखीने उट्ठीने बैठिगी।

प्रेरितां 11:30

तिने येढ़ा इ कित्या; कने बरनबास कने शाऊला रे हथें प्राचीनां ला किछ पैसा भेजित्या।