याकूब 4:5 - बिलासपुरी नौआं नियम

⁵ क्या तुहें पवित्रशास्त्रा च लिखी रिया इसा गल्ला जो बेकार समझां ये, “परमेशरे अहांजो जीवन दित्या इसा वजह ते सै मजबूतिया ने चाँह भई अहें सिर्फ तिसरे इ ओ।”

याकूब 4:5 Referans Kwoze

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

1 कुरिन्थियों 6:19

क्या तुहें नीं जाणदे भई तुहांरा शरीर पवित्र आत्मा रा मन्दर आ; सै जे तुहां च बसीरा कने तुहांजो परमेशरा रिया तरफा ते मिलीरा? कने तुहें अपणे नींये,

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

गलातियां 3:8

परमेशरे पवित्रशास्त्रा च पैहले तेई दस्सी तरा था, भई परमेशरा अन्यजातियां जो बी तिन्हांरे विश्वासा रे जरिये धर्मी बनाणा, इस खातर ये गल्लां हुणे ते पैहले परमेशरे पैहले तेई अब्राहमा जो ये खुशखबरी सुणाईती थी “सारी जातियां तेरे जरिये आशीष पाणी।”

प्रेरितां 7:9

“कुलपतियें अपणे भाई यूसुफा ते जल़ण करीने तिस्सो मिस्र देश जाणे औल़यां जो बेचीत्या, ताकि सै तित्थी जाईने दास बणीने रौ, पर परमेशर तिसने सौगी था,

यूहन्ना 10:35

जे परमेशरे तिस्सो ईश्वर बोल्या तिन्हाले जे परमेशरा रा बचन पुज्जया (कने पवित्रशास्त्रा री गल्ल झूट्ठ नीं हुई सकदी),

रोमियो 1:29

इस खातर सै हर तरह रे अधर्म, पाप, लालच, कने बैरभावा ने भरीगे; सै हिरख, खून करना, लड़ाई झगड़े, छल-कपट कने बुरयां विचाराँ ने भरीरे; कने दुज्जेयां रा सदा बुराई सोच्चया।

रोमियो 9:17

काँह्भई पवित्रशास्त्रा च परमेशरे मिस्र देशा रे राजे (फिरौन) जो गलाया था, “मैं तिज्जो इस खातर राजा बणाया था भई तेरा इस्तेमाल करीने हऊँ सब्बीं जो अपणी सामर्थ दस्सी सक्कूं, कने मेरा नौं हर जगह तित्थी जे लोक ये तिन्हौं प्रचार कित्या जाओ।”

यूहन्ना 19:37

कने इक होर गल्ल पूई हुई सै जे पवित्रशास्त्रा च लिखिरी भई, “तिस्सो तिन्हें भाले ने बिन्हया, तिन्हां इ तिसखा देखणा।”

यूहन्ना 7:42

क्या पवित्रशास्त्रा च ये नीं लिखिरा भई मसीहा दाऊद रे कुल़ा ते हूणा कने तिस बैतलहम गाँवां ते औणा, तित्थी जे दाऊद रैयां था?”