याकूब 3:16 - बिलासपुरी नौआं नियम

¹⁶ काँह्भई तित्थी जे हिरख कने स्वार्थी इच्छां इयां, तित्थी सब तरह री बुराईयां कने गड़बड़ी हुआं इ।

याकूब 3:16 Referans Kwoze

याकूब 3:14

पर जे तुहां लोकां रे दिलां च कड़वाहट कने स्वार्थ भरोईरा हो, तां अपणे ज्ञाना रा ढोल मता पिटदे, येढ़ा करीने त तुहें सच्चाईया पर पर्दा पान्दे हुये झूट्ठ बोल्ली कराँ ये।

1 कुरिन्थियों 3:3

काँह्भई तुहें हुण बी अपणे पापी स्वभावा रे मुतावक जींआं ये। हऊँ ये जाणाँ काँह्भई तुहां चते बौहत सारे हिरखल़े कने इक दूये ने लड़ां-झगड़ां ये, तां क्या ये साबित नीं करदा भई तुहें अपणे पापी स्वभावा रे मुतावक जी राँये? कने क्या तुहें इस संसारे रे लोकां साई नीं जीआ राँये?

1 कुरिन्थियों 14:33

काँह्भई परमेशर गड़बड़िया रा नीं, पर शान्तिया रा परमेशर आ। तियां जे पवित्र लोकां रिया सब्बीं कलीसियां चा।

1 यूहन्ना 3:12

कने आदम रे पुत्र कैना साई नीं बणा, सै जे शैतान्ना ते था, कने तिने जे अपणे भाईये री हत्या कित्ती; कने तिने अपणे भाईये जो किसा वजह ने मारया? तिसरी ये वजह थी भई तिसरे काम्म बुरे थे, कने तिसरे भाईये रे काम्म भलाईया रे थे।

गलातियां 5:20

मूर्ति पूजा, जादू-टोणा, बैर-बरोध, लड़ाई-झगड़ा, हिरख, गुस्सा, स्वार्थ, मनमुटाव, फूट,

प्रेरितां 19:29

कने सारे नगरा च बड़ा हल्ला मचीग्या, कने मकिदुनिया वासी गयुस कने अरिस्तर्खुस जो सै जे पौलुसा सौगी यात्रा करया राँ थे, पकड़ी लया, कने इक्की सौगी रंगमंचा खौ दौड़ीगे।

रोमियो 2:8

पर सै लोक जे अपणे स्वार्था रिया वजह ने सच्चाईया जो छड्डिने झूट्ठा पर विश्वास कराँ यें, परमेशरा तिन्हां पर गुस्से हुईने तिन्हारा न्याय करना।

2 कुरिन्थियों 12:20

काँह्भई मिन्जो डर आ भई ताहली जे हऊँ तुहांले आऊं, तां किति तुहांजो तेढ़ा नीं पाऊँ, तेढ़ा जे पाणा चाँह था, कने तुहें बी मिन्जो तेढ़ा इ पावा तेढ़ा जे पाणा चाँये। मिन्जो डर आ भई तुहांरे बिच मिन्जो किति लड़ाईया, जल़ण, गुस्सा, विरोध, हिरख, चुगली, घमण्ड कने बखेड़े नीं मिलो।

मरकुस 3:25

कने जे इक्की घरा च रैहणे औल़े लोक अप्पूँ बाटियें लड़दे रौ, तां सै परिवार टुट्टीने बिखरी जां।