याकूब 3:1 - बिलासपुरी नौआं नियम

¹ “मेरे साथी विश्वासियो तुहां चते कई सारयां जो उपदेशक बणने री इच्छा नीं करनी चाहिन्दी, काँह्भई अहां सखाणे औल़यां रा न्याय परमेशरा जादा सख्तिया ने करना।

याकूब 3:1 Referans Kwoze

1 तिमुथियुस 1:7

कने सै व्यवस्थापक हूणा चांह ये, पर सै जे गल्लां बोलां ये कने तिन्हां विषयां जो मजबूतिया ने बोलां ये, तिन्हांजो सै समझदे बी नींये।

1 पतरस 5:3

देख-रेख करने रे खातर सै लोक जे तुहांजो सौंपे गईरे, तिन्हां पर अधिकार नीं जतावा, बल्कि समूहा रे खातर इक आदर्श बणा।

1 कुरिन्थियों 12:28

कने परमेशरे कलीसिया च लग-लग माहणु नियुक्त कित्तिरे : पैहले प्रेरित, दुज्जे भविष्यवक्ता, तिज्जे सखाणे औल़े, फेरी सामर्था रा काम्म करने औल़े, चंगा करने औल़े, मदद करने औल़े, प्रबन्ध करने औल़े, लग-लग किस्मा री भाषायें बोलणे औल़े।

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

1 तिमुथियुस 2:7

हऊँ सच्च बोलां, झूट्ठ नीं बोलदा, भई हऊँ इसा इ वजह ने प्रचारक, प्रेरित कने अन्यजातियां खातर विश्वास कने सच्चाईया रा उपदेशक चुणया गईरा।

इफिसियां 4:11

तिने खुद इ किसी जो प्रेरित हुणे रा बरदान दित्या, तां किसी जो भविष्यवक्ता हुणे रा, किसी जो खुशखबरिया रे प्रचारक हुणे रा, किसी जो परमेशरा रे लोकां री हिफाज़त करने कने सखाणे रा।

2 कुरिन्थियों 5:10

अहें सारयां धरतिया पर रैईने सै जे किछ भला या बुरा काम्म कित्या, तिसरा फल़ पाणे रे खातर मसीह रे न्याय आसणा रे सामणे जरूर हाजर हुणे पौणा।

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

लूका 16:2

इस खातर तिसरे मालके सै सद्दया कने तिस्सो गलाया, ‘हऊँ ये क्या सुणी कराँ भई तू मेरे सारे पैसयां जो पाणिये साई बहाया राँ? येढ़ा तू अपणे भण्डारी हुणे रे नाते मेरे पैसे रा हिसाब दे, काँह्भई तिज्जो हुण माह भण्डारी नीं रखणा।’

2 तिमुथियुस 1:11

इसा खुशखबरिया जो फैलाणे खातर मिन्जो इक प्रचारक, प्रेरित कने सखाणे औल़े रे तौरा पर परमेशरे नियुक्त कित्तिरा।

यूहन्ना 3:10

ये सुणीने यीशुये तिसजो जबाब दित्या, “तू इस्राएलियां रा गुरू हुईने बी इन्हां गल्लां जो नीं समझदा?

मत्ती 10:24

चेला अपणे गुरुये ते बड़ा खास नीं हुन्दा कने नांई कोई दास अपणे मालका ते बड़ा खास हुआं।

लूका 6:37

“दुज्यां पर इल्जाम नीं लगावा, नैत परमेशरा बी तुहां पर इल्जाम लगाणा। किसी री निंध्या नीं करा नैत परमेशरा तुहांरी बी निंध्या करनी। दुज्यां जो माफ करा, तां तुहांजो बी परमेशरा माफ करना।

मत्ती 9:11

ये देखीने फरीसियें तिसरे चेलयां ने बोल्या, “तुहांरा गुरू चुंगी लेणे औल़यां ने कने पापियां ने सौगी खाणा कजो खां?”

प्रेरितां 13:1

अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल।

याकूब 1:16

इस खातर मेरे प्यारे साथी विश्वासियो, धोखा देखां खान्दे।

याकूब 1:19

“मसीह च मेरे प्यारे साथी विश्वासियो, ये गल्ल तुहें जाणी लो, हर इक माहणु परमेशरा रे सच्चे बचना जो सुणने च दिलचस्पी दसणे औल़ा कने बोलणे च कने गुस्सा करने च धीमा हो।

याकूब 3:10

इस खातर स्तुति कने शाप इक्की मुँआ ते उमड़ीने बाहर औआं ये; मेरे साथी विश्वासियो, ये बिल्कुल ठीक नींआ।

मत्ती 23:14

[अरे कपटी यहूदी शास्त्रियो कने फरीसियो, परमेशरा तुहांजो भयानक सजा देणी! तुहें विधवां रा घर बार खाई जायें, कने दिखावा करने खातर बड़िया देरा तक लम्बी-लम्बी प्राथनायें कराँ ये: इस खातर तुहांजो परमेशरा ते बौहत भयानक सजा मिलणी।]