याकूब 2:25 - बिलासपुरी नौआं नियम

²⁵ तियां इ राहाब वेश्य बी, क्या तिस बगत अपणे कम्मां ते धर्मी नीं बणी, ताहली जे तिसे जासूसां जो अपणे घरा च शरण दित्ति कने फेरी तिन्हांजो दुज्जे रस्ते किति भेज्जीत्या।

याकूब 2:25 Referans Kwoze

इब्रानियों 11:31

विश्वासा रे जरिये इ राहाब वेश्या हुक्म नीं मनणे औल़यां सौगी नाश नीं हुई, काँह्भई तिसे भेदियां जो शान्तिया ने रखीरा था।

मत्ती 21:31

दस्सा इन्हां दुईं चते किने पिता री इच्छा पूरी किति?” तिन्हे गलाया, “बड्डे।” यीशुये तिन्हाने गलाया, “हऊँ तुहांजो सच्च बोलां भई कर बसूलणे औल़े कने वेश्यां परमेशरा रे राज्जा च तुहांते पैहले जाणा।

मत्ती 1:5

सलमोन ते बोअज रा जन्म हुया (बोअज री माता रा नौं राहाब था।) बोअज कने रुता ते ओबेद पैदा हुया, कने ओबेद यिशै रा पिता था,

याकूब 2:22

देक्खा, तिसरा परमेशरा पर इतणा भरोसा था भई सै जे किछ परमेशरे बोल्या, सै सब किछ करने जो त्यार हुईग्या; तिसरे विश्वासा जो तांई पूरा मन्नया गया ताहली जे तिने सै कित्या सै जे तिस्सो करने खातर बोल्या गया था,

याकूब 2:18

पर कोई बोल्ली सक्कां, “तेरले विश्वास आ पर हऊँ खरयां कम्मां जो मन्नां।” तुहें बिणा कम्मां ते अपणा विश्वास दस्सा कने हऊँ अपणे कम्मां ते अपणा विश्वास दसगा।

प्रेरितां 17:7

“यासोने तिन्हांजो अपणे घरा रखीरा। ये सब येढ़ा बोलां यें भई यीशु इ राजा, कने बादशाह कैसरा रे हुक्मा रा बरोध कराँ यें।”

याकूब 2:24

तुहें देखील्या भई सिर्फ विश्वासा तेई नीं, पर अपणे कम्मां ते माहणु धर्मी बणां।