याकूब 2:21 - बिलासपुरी नौआं नियम

²¹ क्या तू भुल्लीगरा भई अहांरे पूर्वज अब्राहमे ताहली जे अपणे पुत्र इसहाका जो बेदिया पर चढ़ाया, तांई परमेशरा रिया नज़राँ च धर्मी गिणया गया?

याकूब 2:21 Referans Kwoze

यूहन्ना 8:39

तिन्हे तिसजो जबाब दित्या, “अहांरा पूर्वज त अब्राहम आ।” यीशुये तिन्हाने गलाया, “जे तुहांरा पूर्वज अब्राहम आ, तां तुहें तिन्हां कम्मां जो करदे सै जे अब्राहमे कित्ते थे।

रोमियो 4:16

इस खातर, विश्वासा रे जरिये परमेशरा रा वायदा औआं, ताकि वायदा परमेशरा रे अनुग्रह रे जरिये अब्राहम रे सारे वंशां रे खातर पक्का हुई सक्को। न सिर्फ तिन्हां खातर सै जे व्यवस्था रा पालन कराँ ये बल्कि तिन्हां सारयां खातर बी सै जे अब्राहमा साई विश्वास रखां ये, सै जे अहां सारयां रा पूर्वज आ,

मत्ती 12:37

काँह्भई तेरी गलाई रिया गल्लां रे अधारा पर इ परमेशरा तेरा न्याय करीने तिज्जो निर्दोष या दोषी समझणा।”

याकूब 2:24

तुहें देखील्या भई सिर्फ विश्वासा तेई नीं, पर अपणे कम्मां ते माहणु धर्मी बणां।

याकूब 2:18

पर कोई बोल्ली सक्कां, “तेरले विश्वास आ पर हऊँ खरयां कम्मां जो मन्नां।” तुहें बिणा कम्मां ते अपणा विश्वास दस्सा कने हऊँ अपणे कम्मां ते अपणा विश्वास दसगा।

रोमियो 4:12

अब्राहम खतना औल़यां रा बी आत्मिक पिता, पर तिन्हारा बी आ जे सै परमेशरा पर विश्वास करीने अहांरे पूर्वज अब्राहमा साई जीवन बितायें, तियां जे सै खतने ते पैहले जीया था।

रोमियो 4:1

हुण अहें यहूदी हुणे रे नाते अपणे पूर्वज अब्राहम रे बारे च क्या बोलिए? कने तिसरा तजुरबा क्या था?

रोमियो 3:20

काँह्भई व्यवस्था रा पालन करने ते कोई बी माहणु परमेशरा रे सामणे धर्मी नीं हूणा, पर व्यवस्था माहणुआं जो ये जाणने च मदद कराँ इ भई तिन्हें पाप कित्तिरा।

प्रेरितां 7:2

स्तिफनुसे गलाया, “हे भाईयो, कने अगुवेयो सुणा। अहांरा पूर्वज अब्राहम हारान नगरा च बसणे ते पैहले मेसोपोटामिया प्रदेशा च था; तां चमकदे तेज्जा च परमेशरे तिस्सो दर्शण दित्या,

यूहन्ना 8:53

क्या तू अहांरे पूर्वज अब्राहमा ते बड्डा, सै जे मरीगरा? क्या तू भविष्यवक्तयां ते बड्डा सै जे मरीगरे। तिज्जो क्या लगां भई तू हाया?”

लूका 16:30

तिने गलाया, नां; पिता अब्राहम! पर जे कोई मरीरेआं चा ते तिन्हाले जाईने तिन्हांजो चेतावनी देओ, तां तिन्हां अपणयां पापां ते मन फिराणा।

लूका 16:24

तां तिने अमीर माहणुये जोरा ने हाक पाई, पिता अब्राहम, दया करीने लाजरा जो मेरले भेज्जी दे, ताकि सै अपणिया गुट्ठियां जो पाणिये च सेड़ीने मेरिया जीभा जो ठण्डा करी सक्को, काँह्भई हऊँ इन्हां अग्गी रियां लपटां च फुक्खीने तड़फणे लगीरा।”

लूका 1:73

सै वायदा जे तिन्हे अहांरे पूर्वज अब्राहम सौगी कित्या था।

मत्ती 3:9

इसा गल़तफैहमिया च मत रौआ भई अब्राहम तुहांरा पिता; काँह्भई हऊँ तुहांजो बोलां भई इन्हां पत्थराँ ते परमेशर अब्राहमा रे खातर बच्चा पैदा करी सक्कां।

इब्रानियों 11:17

विश्वासा रे जरिये अब्राहमे परखे जाणे रे बगता च अपणे पुत्र इसहाका जो बल़िया खातर भेन्ट चढ़ाया। अब्राहमा जोई परमेशरे वायदा कित्या था फेरी बी सै अपणे इकलौते पुत्रा री बल़ि देणे जो त्यार था।