याकूब 1:3 - बिलासपुरी नौआं नियम

³ काँह्भई तुहें जाणाँ ये भई ताहली जे तुहांरा विश्वास परीक्षां च पास हुई जां, तां परखे जाणे ते सैहण शक्ति पैदा हुआं इ।

याकूब 1:3 Referans Kwoze

इब्रानियों 10:36

काँह्भई तुहांजो धैर्य रखणा जरूरी आ, ताकि परमेशरा री इच्छा जो पूरी करी सक्को कने वायदे रा ईनाम पाई सक्को।

कुलुस्सियां 1:11

हऊँ प्राथना कराँ भई परमेशर तुहांजो अपणी महिमा रिया सामर्था ते लगातार मजबूत करदा जाओ, ताकि तुहें धैर्य ने कने खुशिया ने अपणे दुखां जो सही सकगे।

1 पतरस 1:7

ये इस खातर आ भई तुहांरा विश्वास सच्चा साबित हो, मसीह यीशुये पर तुहांरा विश्वास सियुने ते बी बौहत कीमती आ। तियां जे नाशवान सियुना अग्गी ते परखया कने शुद्ध कित्या जां, तियां इ जे तुहांरा विश्वास समस्यां ते परखया जाणे ते बाद मजबूत बणीरा रौ, तां तुहां तिस दिन प्रशंसा, महिमा कने आदर पाणा ताहली जे यीशु मसीह वापस औणा।

रोमियो 8:28

अहें जाणाँ ये भई परमेशर तिन्हां सारयां लोकां रे खातर अच्छी चीजां ल्यौआं सै जे तिस्सो प्यार कराँ ये; यनिके तिन्हांरे खातर सै जे तिसरिया मर्जिया रे मुतावक तिस्सो जे तिने चुणीरा।

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

रोमियो 15:4

हर गल्ल सै जे पवित्रशास्त्रा च पैहले ते लिखिरी, सै अहांजो शिक्षा देणे खातर थी भई सै तसल्ली कने हिम्मत जे अहांजो पवित्रशास्त्रा ते मिलाँ इ, अहें तिसते आशा पाई सक्को।

2 पतरस 1:6

तुहांजो सिर्फ बुद्धिमानिया ने बर्ताव करने रे बारे ची पता नीं हूणा चाहिन्दा, बल्कि तुहांजो अप्पूँजो बी काबुये च करना चाहिन्दा, तुहांजो नां सिर्फ अप्पूँजो काबुये च करना चाहिन्दा बल्कि तुहांजो परेशानिया च बी धीरज रखणा चाहिन्दा, नांई तुहांजो धीरज रखणा चाहिन्दा, बल्कि इस तरिके ने जीणा चाहिन्दा सै जे परमेशरा जो खुश कराँ।

इब्रानियों 12:1

इस वजह ते ताहली जे बौहत लोकां रे विश्वासा रियां गवाहीयें अहांजो इतणे बड्डे बद्दल़ा साई घेरीरा ओ, तां औआ, हरेक रोकणे औल़ियां चिज़ां कने उलझाणे औल़यां पापां जो दूर करीने, तिसा दौड़ा च जे अहां दौड़णा तिसाजो धैर्य ने दौड़िये।

2 थिस्सलुनीकियां 3:5

परमेशरा रा प्यार कने मसीह रे धीरजा जो समझणे खातर प्रभु तुहांरी अगुवाई करो।

2 थिस्सलुनीकियां 1:4

इस खातर अहें खुद परमेशरा रिया कलीसियां रे विश्वासियां रे बिच तुहांरे बारे च घमण्ड कराँ ये, हलाँकि तुहें सताव कने दुखां रा अनुभव कराँ ये, फेरी बी तुहें लगातार धीरजा ने सैंये कने हुण तुहें यीशु मसीह पर बी विश्वास कराँ ये।

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

लूका 21:19

जे तुहें सब्र रखीने विश्वासा च बणीरे रैहन्गे तां तुहां सदा जीवित रैहणा।

इब्रानियों 6:12

तां तुहें सुस्त नीं बणने। पर तुहें तिन्हांरा अनुशरण करगे सै जे अपणे विश्वास कने धैर्य रिया वजह ने परमेशरा रे वायदयां रे बारस हुणे।