याकूब 1:19 - बिलासपुरी नौआं नियम

¹⁹ “मसीह च मेरे प्यारे साथी विश्वासियो, ये गल्ल तुहें जाणी लो, हर इक माहणु परमेशरा रे सच्चे बचना जो सुणने च दिलचस्पी दसणे औल़ा कने बोलणे च कने गुस्सा करने च धीमा हो।

याकूब 1:19 Referans Kwoze

इफिसियां 4:26

तुहें गुस्सा त कराँ, पर गुस्से च आईने पाप नीं करना, दिन घरने ते पैहले तुहांरा गुस्सा खत्म हुईजो।

कुलुस्सियां 3:8

पर हुण तुहें इन्हां सारियां गल्लां यनि गुस्सा, झुंझलाहट, बैर-बरोध, निंध्या-चुगली कने मुँआं ते गाल़ी देणा छडी दे।

इफिसियां 4:31

हर तरिके री कड़वाहट, झुँझलाहट, गुस्सा, चिखणा-चिल्लाणा, निंध्या कने हरेक बुराईया जो तुहें अपणे अन्दरा ते दूर करा।

कुलुस्सियां 3:15

तुहांरे दिलां पर मसीह री शान्ति राज करो, काँह्भई तुहें सारे इक्की शरीरा रा हिस्सा ये; इस खातर इक्की दूये सौगी तुहें शाँतिया ने रैहणे रे खातर सद्दीरे। कने सदा परमेशरा रा धन्यवाद करदे रौआ।

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

याकूब 1:26

जे कोई माहणु अप्पूँजो धर्मी समझां कने अपणिया जीभा पर लगाम नीं लगान्दा, तां सै धोखे चा, तिसरी सै भगती किसी कम्मा री नीं।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

प्रेरितां 17:11

ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

लूका 19:48

पर कोई बी तरकीब नीं नकाल़ी सक्के; काँह्भई प्रभु सै जे किछ गल्लां था, लोक तिन्हारी इक्की-इक्की गल्ला जो बड़िया गौरा ने सुणां थे।

मरकुस 2:2

फेरी इतणे लोक कट्ठे हुईगे भई दरवाजे ते बाहर बी जगह नीं थी; कने सै तिन्हांजो परमेशरा रा वचन सुणाया राँ था।

प्रेरितां 10:33

तां मैं तेरे ला झट-पट लोक भेजे, कने तैं भला कित्या भई आई गया। हुण येत्थी अहें सब परमेशरा रे सामणे, भई जो किछ परमेशरे तेरने बोलीरा तिस्सो सुणीये।”

प्रेरितां 2:42

कने सै प्रेरितां ते शिक्षा पाणे, कने संगती रखणे, प्रभु भोज, कने प्राथना करने च लगीरे रै।

लूका 15:1

यीशु ताहली जे उपदेश देआं था तां बौहत सारे चुंगी लेणे औल़े कने पापी लोक तिसरियां गल्लां जो सुणने खातर तिसले औआं थे।

1 यूहन्ना 2:21

मैं तुहांजो इस खातर नीं लिखया, भई तुहें सच्चाईया जो नीं जाणदे, पर इस खातर भई तुहें सच्चाईया जो जाणाँ ये, भई कोई झूट्ठ सच्चाईया रिया तरफा ते नीं औंदा।

प्रेरितां 13:48

ये सुणी ने अन्यजातियां खुशी हुये, कने परमेशरा रे वचना री बडयाई करने लगे कने जितने अनन्त जीवना खातर ठहराईरे थे, तिन्हें विश्वास कित्या।

मरकुस 12:37

दाऊद तां अप्पूँ इ मसीह जो अपणा प्रभु बोलां, फेरी सै तिसरा पुत्र कियां हुआ? कने भीड़ा रे लोक तिसरे उपदेशा जो मज़े ने सुणां थे।”

प्रेरितां 1:15

तिन्हांई दिनां च पतरस भाईयां रे बिच सै जे तकरीवन इक सौ बीह माहणु थे, खड़ा हुईने बोलणे लगया,

याकूब 1:2

मसीह च मेरे विश्वासी भाईयो तुहां सब्बीं जो मेरा नमस्कार! ताहली जे तुहां पर कई तरह री मुशीवतां आओ, तां इस्सो बड़े मजे री गल्ल समझयों,

याकूब 1:16

इस खातर मेरे प्यारे साथी विश्वासियो, धोखा देखां खान्दे।

याकूब 2:1

मेरे साथी विश्वासियो, तुहें अहांरे महिमावान प्रभु यीशु मसीह रे चेले हुणे रिया वजह ने तुहां च कोई भेद-भाव नीं ओ।

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?

याकूब 3:10

इस खातर स्तुति कने शाप इक्की मुँआ ते उमड़ीने बाहर औआं ये; मेरे साथी विश्वासियो, ये बिल्कुल ठीक नींआ।

याकूब 4:11

मेरे साथी विश्वासियो, इक्की दुज्जे री बुराई मत करा। सै जे अपणे साथी विश्वासियां री बदनामी कराँ या तिन्हां पर इल्जाम लगां, सै व्यवस्था री बदनामी कराँ; कने जे तू येढ़ा कराँ, तां तू व्यवस्था रा पालन करने औल़ा निआं, पर तिसरा न्याय करने औल़ा बणी जां।

याकूब 5:12

पर मेरे साथी विश्वासियो, सब्बीं ते बड्डी गल्ल येई भई सगन्द नीं खायों, न स्वर्गा री, न धरतिया री, न किसी होरी चीज़ा री; पर साफ-साफ हाँ, बोल्ला या नां, ताकि तुहांते गुनाह नीं हो कने परमेशरा रिया सजा ते बची सक्को।

याकूब 5:19

हे मेरे साथी विश्वासियो, तुहां चते जे कोई सच्चाईया ते भटकी जाओ कने तिस्सो कोई भीं मोड़ी ने रस्ते पर ली औआं,