याकूब 1:17 - बिलासपुरी नौआं नियम

¹⁷ काँह्भई हर इक खरा कने हर इक उत्तम बरदान समाणा रियां जोतियां रे बनाणे औल़े परमेशर अहांरे पिता रिया तरफा तेई मिलां। परमेशर सदा इक्को जेआ रेआं कने सै छौंवा साई कदीं नीं बदलदा।

याकूब 1:17 Referans Kwoze

यूहन्ना 3:27

यूहन्ने जबाब दित्या, ताहलुआं तक जे किसी माहणुये जो स्वर्गा ते नीं दित्या जाओ, ताहलुआं तक सै किछ नीं पाई सकदा।

मत्ती 7:11

इस खातर तां जे तुहें बुरे हुईने, अपणयां बच्चयां जो खरियां चिज़ां देणा जाणाँ ये, तां तुहांरा स्वर्गीय पिता अपणे मंगणे औल़यां जो खरियां चिज़ां काँह नीं देंगा?

इब्रानियों 13:8

यीशु मसीह कल कने आज्ज कने युगां-युगां तकौ इक्को जेआ इ हाया यनि सै कदीं नीं बदलदा।

यूहन्ना 8:12

फेरी यीशुये भीं लोकां ने गलाया, “संसारा री जोति हऊँ आ; सै जे मेरे पिच्छे चलगा कदीं अन्धेरे च नीं रैहन्गा, पर तिस सै जोति पाणी सै जे अनन्त जीवन देईं।”

1 यूहन्ना 1:5

सै खुशखबरी जे अहें यीशु मसीह ते सुणी, कने तुहांजो सणवांयें, भई परमेशर जोतिया साई पूरा पवित्र आ तिसच जे किछ बी बुराई नीं।

याकूब 3:17

पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

इफिसियां 2:8

काँह्भई परमेशरा रे अनुग्रह रे जरिये तुहांरे विश्वासा रिया वजह ने तुहांरा छुटकारा हुईरा, तिने तुहौं किछ करने रिया वजह ने नीं छुडवाया, पर ये परमेशरा रा दान आ;

लूका 11:13

जे तुहें बुरे हुईने अपणयां बच्चयां जो खरियां चिज़ां देणा जाणाँ ये, तां स्वर्गीय पिता अपणे मंगणे औल़यां जो पवित्र आत्मा काँह नीं देंगा।”

1 कुरिन्थियों 4:7

काँह्भई किसी माहणुये तुहौं दुज्यां ते जादा खास नीं बणाया कने सै किछ जे तेरले आ सै तिज्जो परमेशरे दित्तिरा। कने तंजे तिज्जो मिलीरा, तां अपणे बारे च घमण्ड करना तेरे खातर ठीक नींआ।

1 यूहन्ना 4:10

सच्चा प्यार इसच निआं भई अहें परमेशरा ने प्यार कित्या, बल्कि इसच आ भई तिने अहांने प्यार कित्या कने अहांरे पापां रे प्रायश्चिता खातर अपणे पुत्रा जो भेज्या।

इफिसियां 1:18

हऊँ परमेशरा ने ये बी प्राथना कराँ भई सै तुहौं सच्चाईया जो समझणे च तुहांरी मदद करगा, भई तुहें तिसा आस्सा जो जाणी लो तिसरे खातर जे तिने तुहांजो सद्दीरा; कने तुहें इसा गल्ला जो जाणो भई सै आशीषां जे परमेशर अपणयां लोकां जो देणे रा वायदा कराँ सै कितणियां महान इ।

यूहन्ना 1:9

सच्ची ज्योति इस संसारा च औणे औल़ी थी सै जे हर इक माहणुये जो अपणे ज्ञाना च चमकांई।

प्रकाशितवाक्य 21:23

कने तिस नगरा च सूरज कने चन्द्रमे रिया रोशनिया री जरूरत नीं, काँह्भई परमेशरा रे तेजा ने तिसच उजियाला हुया राँ, कने मेमना तिसरा दीपक आ,

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

प्रकाशितवाक्य 22:5

कने फेरी तित्थी रात नीं हूणी, कने तिन्हांजो दिऊए कने सूरजा रे उजाले री जरूरत नीं हूणी, काँह्भई प्रभु परमेशरा तिन्हांजो रोशनी देणी, कने तिन्हां युगां-युगां तक राज करना।

याकूब 1:5

पर जे तुहां चते किसी च बुद्धिया री कमी हो, तां सै परमेशरा ते प्राथना करो, तिस्सो सै मिलणी; काँह्भई सै सारयां जो खुशी-खुशी पूरे दिला ते देआं।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

याकूब 3:15

येढ़े ज्ञाना रा स्रोत परमेशर नींआ, ये दुनियावी आ, शारीरिक कने शैतान्नी आ।

फिलिप्पियां 1:29

काँह्भई मसीह रिया तरफा ते तुहांजो न सिर्फ तिस पर विश्वास करने रा, पर तिसरे खातर मुशीवतां झेलणे रा बी खास मौका दित्तिरा;

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

यूहन्ना 3:3

यीशुये तिसजो जबाब दित्या, हऊँ तुहांजो सच्च बोलां, भई कोई बी परमेशरा रे राज्जा जो देक्खी नीं सकदा, तदुआं तक जे सै दोबारा जन्म नीं लौ।

1 तिमुथियुस 6:16

कने सिर्फ सैई हाया सै जे हमेशा जिऊंदा रैयां, कने सै बौहत तेज ज्योतिया च रैयां भई कोई तिसरे नेड़े जाई नीं सकदा, कने नां तिस्सो किसी माहणुये देख्या कने नां कदीं देखी सक्कां। तिसरा आदर कने सामर्थ हमेशा रे खातर रैहणा। आमीन।