इब्रानियों 9:9 - बिलासपुरी नौआं नियम

⁹ ये सब अहांजो आज्ज के वगता रे बारे च किछ दस्सां ये; इस सारे रा मतलब येआ भई भेन्टां कने बलिदान तिन्हौं जे याजकें परमेशरा जो चढ़ाया, अराधना करने औल़े रिया अन्तरात्मा जो शुद्ध नीं करी सकदे।

इब्रानियों 9:9 Referans Kwoze

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,

इब्रानियों 5:1

परमेशरे हरेक महायाजका जो इस्राएल रे लोकां रे बिच्चा ते चुणया, कने तिने हरेक महायाजका जो लोकां रिया तरफा ते अपणी सेवा रे खातर नियुक्त कित्या ताकि सै लोकां रे पापां रिया माफिया खातर भेंट कने बलिदान चढ़ाये।

रोमियो 5:14

पर आदम ते लेईने मूसा तक सारयां लोकें पाप कित्या कने सै सारे मरीगे, मौत तिन्हां लोकां जो बी तियां इ आई तिन्हेंजे आदमा साई पाप नीं कित्तिरे थे, आदम औणे औल़े मसीहे साई था।

इब्रानियों 11:19

काँह्भई अब्राहम ये समझी चुक्कया था भई परमेशरा च मूईरयां जो जिऊंदा करने री सामर्थ इ; इक तरिके ने तिने इसहाक जो मूईरयां चते जिऊंदा पाया।

इब्रानियों 10:11

हरेक याजक खड़ा हुईने हर रोज अपणे धार्मिक कम्मां जो पूरा कराँ। सै बार-बार इक जेईयां बल़ियां चढ़ां सै जे पापां जो कदी दूर नीं करी सकदियां।

इब्रानियों 9:24

मसीहे माहणुआं रे बणाईरे तिस परमपवित्र स्थाना च प्रवेश नीं कित्या, सै जे सच्चे परमपवित्र स्थाना री सिर्फ इक नकल थी। पर तिने त खुद स्वर्गा ची प्रवेश कित्तिरा ताकि हुण सै अहांरे खातर अप्पूँजो परमेशरा रे सामणे मौजूद करो।

इब्रानियों 7:11

ये लेवीय याजका रे अधारा पर व्यवस्था इस्राएली लोकां जो दित्ति गई थी। हुण, जे लेवीय याजकां रा काम्म ठीक था, तां अलग तरह रे याजका रे प्रगट हुणे री जरूरत नीं थी, सै जे मेलिकिसिदक साई आ, पर हारून साई नींआ।

गलातियां 3:21

क्या इसरा ये मतलब आ भई व्यवस्था परमेशरा रे वायदे रे बिरोधा ची? कदीं मनी! काँह्भई जे येढ़ि व्यवस्था दित्तिरी हुन्दी सै जे लोकां च जीवना रा संचार करी सक्कां इ, तां इसरा पालन करने रे जरिये अहें परमेशरा रे सामणे धर्मी हुई जान्दे।

इब्रानियों 8:4

कने जे मसीह धरतिया पर हुन्दा तां कदीं बी याजक नीं हुन्दा, काँह्भई मूसा रिया व्यवस्था रे मुतावक धरतिया पर भेंट चढ़ाणे औल़े याजक हाये।