इब्रानियों 9:4 - बिलासपुरी नौआं नियम

⁴ तिसच खुशबुदार सामग्रिया जो जल़ाणे रे खातर सोने री बेदी, कने सोने ने मढ़ीरा वाचा रा सन्दूक था। इस सन्दूका च मन्ने ने भरीरा सोने रा बर्तण था, कने हारून रा सै सोठू था तिस पर जे पत्ते निकल़ीरे थे कने दो पत्थरा रियां पट्टियां थिआं तिन्हां पर जे परमेशरा रे हुक्म लिखिरे थे।

इब्रानियों 9:4 Referans Kwoze

प्रकाशितवाक्य 8:3

फेरी इक होर स्वर्गदूत सोने रा धूपदान लईने आया, कने बेदिया रे नेड़े खड़ा हुआ; कने तिसजो बौहत धूप दित्या गया भई सब परमेशरा रे लोकां रिया प्राथना सौगी सोने री तिसा वेदिया पर चढ़ाओ, सै जे संघासणा रे सामणे इ।

प्रकाशितवाक्य 11:19

फेरी परमेशरा रा सै मन्दर जे स्वर्गा चा, सै खोल्या गया, कने तिसरे मन्दरा च तिसरिया वाचा रा सन्दूक दुस्या; कने तित्थी बिजल़ियां, अवाज़, गर्जन, हिलण हुये कने बड्डे-बड्डे आणी रे गोल़े पै।