इब्रानियों 9:12 - बिलासपुरी नौआं नियम

¹² बकरयां कने बछड़यां रे खून्ना जो लेईने मसीहे प्रवेश नीं कित्या था वल्कि हमेशा-हमेशा रे खातर भेन्टा रे रुपा च अपणे इ लहूये जो लेईने परमपवित्र स्थाना च प्रवेश हुया था। ये करने रे जरिये तिने अहांजो अहांरे पापां ते सदा खातर छडवाया।

इब्रानियों 9:12 Referans Kwoze

इब्रानियों 10:4

काँह्भई बकरयां कने बछड़यां रा लहू पापां जो कदीं दूर नीं करी सकदा।

इब्रानियों 9:15

इस वजह ते मसीह नई वाचा रा बिचौल़िया, ताकि तिन्हांजो जे परमेशरा रे जरिये सद्दया गईरे, सै अनन्त आशीष पाई सक्को तिस राजे परमेशरे वायदा कित्तिरा था। काँह्भई पैहले वाचा रे अधीन कित्ते गईरे पापां ते तिन्हांजो अजाद कराणे रे खातर मसीह फिरौतिया रे रुपा च सै अपणे प्राण देई चुक्कीरा।

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

इब्रानियों 10:19

इस खातर हे मेरे साथी विश्वासियों, पूरे भरोसे ने अहें यीशुये रे लहूये रे जरिये स्वर्गा री परमपवित्र जगह च प्रवेश करी सक्कां ये।

इब्रानियों 9:28

इस खातर तियां इ मसीह इक इ बार कई माहणुआं रे पापां जो दूर करने खातर बलिदान हुया था। कने सै पापां जो दूर करने रे खातर नीं, पर तिन्हां लोकां रा छुटकारा करने रे खातर मसीहे दोवारा औणा, सै जे तिसरा बेसब्रिया ने इन्तजार करया राँये।

इब्रानियों 7:27

कने दुज्जे महायाजकां साई यीशुये जो जरूरी निआं भई हर रोज पैहले अपणे पापां रे खातर कने फेरी लोकां रे पापां रे खातर बलिदान चढ़ाये; काँह्भई यीशुये अप्पूँजो बलिदान्ना रे रुपा च सारयां लोकां रे पापां खातर इक इ बार बलिदान चढ़ाया।

इब्रानियों 9:13

काँह्भई ताहली जे बकरयां कने बछड़यां रा खून कने बच्छुये री स्वाह रा अपवित्र लोकां पर छिड़कया जाणा शरीरा री शुद्धता खातर तिन्हांजो शुद्ध कराँ,

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

1 थिस्सलुनीकियां 1:10

कने स्वर्गा ते तिसरे पुत्रा रे औणे रा इन्तजार करने रे खातर तिसजो जे परमेशरे मूईरयां चते जिऊंदा कित्या था, यनि यीशु सै जे अहांजो औणे औल़े कोपा ते बचां।

कुलुस्सियां 1:14

अपणे पुत्रा रे बलिदान्न रे जरिये परमेशरे अहांजो शैतान्ना रिया शक्तिया ते अजाद कित्या, कने अहांरे पापां जो माफ कित्या।

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

मरकुस 3:29

पर सै जे कोई पवित्र आत्मा रे कम्मां री निंध्या करीने तिसरा वरोध करो, तिस्सो कदीं बी माफ नीं कित्या जाणा : पर सै सदा रे पापा रा अपराधी बणां।”

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

इब्रानियों 9:7

पर परमपवित्र स्थाना च सिर्फ महायाजक साल्ला च सिर्फ इक बार जां था। सै बिणा तिस खून्ना ते कदीं अन्दर नीं जान्दा था तिस्सो जे सै खुद अपणे जरिये कने लोकां रे जरिये अनजाणे च कित्‍तीरे पापां खातर परमेशरा जो भेन्ट चढ़ां था।

लूका 1:68

“प्रभु इस्राएल रे परमेशरा री स्तुति करा, काँह्भई सै अपणे लोकां री मदद करने आईरा कने तिन्हाजो बचाईरा।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

इब्रानियों 9:19

काँह्भई ताहली जे मूसे इस्राएली लोकां जो व्यवस्था रा हर इक हुक्म सुणाया था, तां तिने बकरयां कने बछड़यां रे खून्ना जो पाणिये च मिलाया कने जूफा रियां डाल़ियां तिस पर जे लाल ऊन बन्हीरी थी तिस्सो इस्तेमाल करीने व्यवस्था रिया कताबा पर कने सारयां लोकां पर छिड़की दित्या था।

इब्रानियों 13:12

इसा वजह ते, यीशुये बी लोकां जो अपणे इ लहूये रे जरिये पवित्र करने खातर यरूशलेम नगरा ते बाहर दुख सैया कने मरया।