इब्रानियों 9:11 - बिलासपुरी नौआं नियम

¹¹ पर ताहली जे मसीह अहांरा महायाजका बणीने आया, तां सै खरियां चीजां जो लेईने आया सै जे हुण मौजूद ईं। कने मसीह स्वर्गा च परमेशरा रिया हजूरिया च गया कने सै जगह इक बड़े कने सिद्ध तम्बुये साई सै जे माहणुआं रे हत्थां रा बणाईरा नींआ यनि सृष्टिया रा नींआ।

इब्रानियों 9:11 Referans Kwoze

2 कुरिन्थियों 5:1

काँह्भई अहें जाणाँ ये भई धरतिया पर अहांरा ये शरीर तम्बुये साई आ तिसच जे अहें रैयां ये, जे ये तम्बू नष्ट हुई जांगा, तां अहांजो परमेशरा रिया तरफा ते स्वर्गा च हमेशा खातर इक बणया-बणाया घर मिलणा सै जे माहणुआं रे हत्था ते बणाया नीं गईरा।

इब्रानियों 10:1

मूसा री व्यवस्था त औणे औल़ियां गल्लां री सिर्फ परछाई। पर तिसरा असली रुप निआं, इस खातर तिन्हां इक्को जेईयां बल़ियां रे जरिये तिन्हौं जे हर साल लगातार चढ़ाई जाईयां, तिन्हां लोकां जो सै जे परमेशरा ले अराधना करने खातर औआं ये तिन्हांजो कदीं बी सिद्ध नीं करी सकदियां।

मरकुस 14:58

“अहें इस्सो ये बोलदे सुणीरा, ‘मांह इस हत्था रे बणाईरे मन्दरा जो रुढ़ाई देणा, कने तिन्नां दिनां च दुज्जा बनाणा, सै जे हत्था ते नीं बणीरा हो।’ ”

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

प्रेरितां 7:48

पर परमप्रधान हत्था रे बणाईरे मन्दरा च नीं रहदा, तेढ़ा जे यशायाह भविष्यवक्ते रिया कताबा च लिखिरा :

2 यूहन्ना 1:7

हऊँ इस खातर ये बोलां, काँह्भई बौहत सारे भरमाणे औल़े संसार च आईरे सै जे ये नीं मनदे भई यीशु मसीह इक माहणु बणीने इसा संसारा च आया। जे कोई माहणु ये बोलां, तां सै मसीह रा बैरी आ सै जे हमेशा लोकां जो भरमां।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

यूहन्ना 4:25

जनाने तिसने गलाया, “हऊँ जाणाँ इ भई मसीह सै जे परमेशरा रा अभिषिक्त माहणु कहलाया जां, औणे औल़ा; ताहली जे सै औंगा, तां तिस अहां जो सारियां गल्लां दसणियां।”

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

इब्रानियों 7:1

ये मेलिकिसिदक शालेम नगरा रा राजा, कने परमेशर सै जे बौहत महान आ तिसरा याजक था। ताहली जे अब्राहम राजयां जो हराईने वापस आया रां था, तां मेलिकिसिदक, अब्राहमा ने मिलीने तिस्सो आशीष दित्ति थी।

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।

कुलुस्सियां 2:11

ताहली जे तुहें मसीह पर विश्वास कित्या, तां तुहांरा खतना माहणुआं रे हत्थां ते नीं हुया था (तियां जे यहूदी कराँ ये) पर खतना सै जे मसीह रे जरिये कित्या गईरा इसते तुहांरा पापी स्वाभाव दूर कित्या गया,

मत्ती 11:3

कने तिसने बोल्या, “क्या तूई मसीह आ तिसजो जे परमेशरे भेजणे रा वायदा कित्तिरा, या अहें किसी होरी रा इन्तजार करिये?”

मत्ती 2:6

“अरे यहूदा प्रदेशा रे बैतलहम नगरा रे लोको, तू यहूदा रे राज करने औल़यां चते किस बी तरिके ने छोट्टा निआं; काँह्भई तुहां चाते इक अगुवा (राजा) निकल़णा, तिस इस्राएल देशा च रैहणे औल़े मेरे लोकां रा मार्गदर्शन करना।”

2 कुरिन्थियों 4:18

सै जे किछ देख्या जाई सक्कां अहां रियां आक्खीं तिस पर नीं टिकि रियां, बल्कि अणदेखी चिज़ां पर टिकिरी; काँह्भई देक्खी रियां चिज़ां थोड़े इ दिनां रियां, पर अणदेखी चिज़ां सदा बणीरी रैईंयां।

इब्रानियों 12:27

कने ये गल्ल भई, “इक बार फेरी” इसा गल्ला जो दस्सां भई बणाई हुई चीजां हिल्ली जाणियां, कने सै हटाई दित्ति जाणियां ताकि सै चीजां जे हिलाई नीं जाई सकदियां सै अटल रैहणियां।

इब्रानियों 13:14

काँह्भई ये संसार अहांरा पक्का घर नींआ, पर अहें येढ़े घरा जो पाणे री उम्मीद कराँ ये सै जे भविष्य च अहांरा हूणा।