इब्रानियों 9:10 - बिलासपुरी नौआं नियम

¹⁰ परमेशरा जो चढ़ाये जाणे औल़ियां चीजां त सिर्फ खाणे-पीणे कने कई तरह रियां शुद्धीकरण रियां विधियां नेई मतलब रखां। ये सिर्फ शारीरिक नियम ये, ये तदुआं तक लागू हुआं ये तदुआं तक जे परमेशर नया नियम नीं बणाई देन्दा।

इब्रानियों 9:10 Referans Kwoze

कुलुस्सियां 2:16

इस खातर खाणे-पीणे री चिज़ां या त्योहारां या नये चांद रे त्योहारां या विस्राम रे दिनां जो लेईने कोई तुहांरा न्याय नीं करो।

इफिसियां 2:15

व्यवस्था रे बौहत नियम थे, पर मसीहे अपणिया मौती रे जरिये सारे यहूदी नियमां जो मटाया, तिसते जे यहूदी कने अन्यजातियां जो मसीह अप्पूँ सौगी मेल कराईने इक नया समूह बणाए। इस तरिके ने तिने तिन्हांरे बिच मेल-मलाप कित्या।

इब्रानियों 7:16

काँह्भई व्यवस्था रे हुक्मा रे मुतावक तिसजो याजक बणना था तिस तरिके ने यीशु याजक नीं बणया, पर अविनाशी जीवना रिया सामर्था रे जरिये याजक बणया।

इब्रानियों 10:22

इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।

इब्रानियों 9:1

हुण पैहलिया वाचा जो बणाये रखणे रे खातर लोकां जो किछ नियमा रे मुतावक परमेशरा री अराधना करनी थी, कने अराधना करने रे खातर धरतिया पर इक तम्बू बणाया गया था।

इब्रानियों 6:5

तिन्हें महसूस कित्या था भई परमेशरा रा वचन उत्तम आ कने तिन्हें औणे औल़े युगा री सामर्था जो बी महसूस कित्या था।

इब्रानियों 2:5

परमेशरे अहांजो औणे औल़े तिस संसारा जो तिसरी चर्चा जे अहें करया रायें, स्वर्गदूतां रे अधीन नीं कित्या पर प्रभु यीशुये रे अधीन कित्या।

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

इब्रानियों 6:2

कने बपतिस्मा कने हाथ रखणे रिया शिक्षा रे बारे च, कने मूईरयां चते जिऊंदा हुणे रे बारे च, कने अनन्त न्याय री शिक्षा रे बारे च गल्ल नीं करनी चाहिन्दी।

इफिसियां 1:10

ताहली जे ये योजना पूरी करने रा सही वगत औंगा, तां परमेशरा स्वर्ग कने धरतिया री सारियां चिज़ां जो मसीह रे अधीन करना, ताकि मसीह सारियां चीजां रा मुखिया हो।

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

मरकुस 7:4

ताहली जे सै बज़ारा ते औआं थे बिणा हात्थ धोये नीं खान्दे थे; कने बौहत सारियां होर रितियां जो बी मन्नां थे, तियां जे भई कटोरियां, लोटे, ताँबे रे बरतना जो धोणा कने माँजणा।

इब्रानियों 7:12

काँह्भई ताहली जे याजका रा पद बदलया जां, तां व्यवस्था रा बी बदलना जरूरी आ।