इब्रानियों 8:8 - बिलासपुरी नौआं नियम

⁸ पर परमेशर लोकां पर दोष लाईने बोलां, “प्रभु बोलां, देक्खा, सै दिन आया रां, भई मांह इस्राएली लोकां ने कने यहूदा रे लोकां ने नई वाचा बन्हणी।

इब्रानियों 8:8 Referans Kwoze

इब्रानियों 12:24

तुहें यीशुये ले आई चुक्कीरे सै जे परमेशर कने लोकां रे बिच्चा रा नईया वाचा रा बिचौल़िया, कने छिड़कावा रे तिस लहूये रे नेड़े आईगरे सै जे हाबिल रे लहूये ते बड्डे वायदे कराँ।

इब्रानियों 9:15

इस वजह ते मसीह नई वाचा रा बिचौल़िया, ताकि तिन्हांजो जे परमेशरा रे जरिये सद्दया गईरे, सै अनन्त आशीष पाई सक्को तिस राजे परमेशरे वायदा कित्तिरा था। काँह्भई पैहले वाचा रे अधीन कित्ते गईरे पापां ते तिन्हांजो अजाद कराणे रे खातर मसीह फिरौतिया रे रुपा च सै अपणे प्राण देई चुक्कीरा।

2 कुरिन्थियों 3:6

तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।

1 कुरिन्थियों 11:25

इसा इ रितिया ते तिने तिसते बाद कटोरा बी लया कने गलाया, “ये कटोरा मेरे खून्ना च नई वाचा ई: ताहली जे कदीं पीओ, तां मिन्जो याद करने खातर येढ़ा इ करया करा।”

लूका 22:20

खाणा खाणे ते बाद तिन्हे अंगूरां रे रस्सा रा इक होर कटोरा लेआ कने गलाया, “ये अंगूरां रा रस्स परमेशरा रिया तरफा ते, तिन्हारे नये वायदे रा प्रतीक आ, कने ये येढ़ा करार आ तिस पर हऊँ अपणा खून बगाई ने तुहांरे खातर मोहर लगाणे औल़ा।

मरकुस 14:24

तिने चेलयां जो गलाया, “ये अँगूरी रस मेरे खून्ना साई आ। मेरा खून लोकां रिया तरफा ते बलिदान्ना रे रुपा च बहाया जाणा। इसते ये वाचा साबित हूणी सै जे परमेशर अपणयां लोकां ने करां।

लूका 17:22

इस बारे च तिन्हे अपणे चेलयां ने गल्ल बात किति, कने तिन्हांजो गलाया, “इक बगत येढ़ा औणा ताहली जे तुहां माहणुये रे पुत्रा रे दिनां चा ते इक दिना जो देखणे खातर तरसणा, पर तिस्सो देक्खी नीं पाणा।

मत्ती 26:28

काँह्भई ये वाचा रा मेरा सै खून आ, सै जे मते लोकां खातर बगाया जाईराँ, ताकि तिन्हांरे पापां जो माफ करना सम्भब हुई सक्को।

इब्रानियों 7:22

इस खातर यीशु गारन्टी देआं भई नई वाचा पुराणिया वाचा ते उत्तम हूणी।

इब्रानियों 8:6

पर हुण जो याजकां री सेवा यीशुये जो दित्ति गईरी सै पुराणे याजकां रिया सेवा ते बी बधीने इ, काँह्भई सै तिसा वाचा रा जे बिचौल़िया सै पुराणिया वाचा ते उत्तम आ कने उत्तम वायदयां पर अधारित आ।

इब्रानियों 8:13

काँह्भई परमेशरे इसाजो नई वाचा बोल्या इस खातर तिने पैहली वाचा जो पुराणा बणाया; कने सै जे चीज़ पुराणी कने कमजोर हुई जाईं सै जल्दी खत्म हुई जाणी।

लूका 5:38

अंगूरां रा नौआं रस मशकां ची भरना चाहिन्दा।