इब्रानियों 8:5 - बिलासपुरी नौआं नियम

⁵ ये याजक सै जे काम्म कराँ ये सै सिर्फ स्वर्गा रिया चिज़ां री नकल कने परछाई ये। इस खातर ताहली जे मूसा तम्बू बनाणे जो त्यार था, तां परमेशरे तिस्सो ये चेतावनी दित्ति, “देख, सै जे नमुना तिज्जो पहाड़ा पर दस्या गईरा था, तिसरे मुतावक सब किछ बनाणा।”

इब्रानियों 8:5 Referans Kwoze

कुलुस्सियां 2:17

काँह्भई ये सारे नियम औणे औल़ी गल्लां री छाया साई ये, पर मसीह इ सच्च आ।

इब्रानियों 10:1

मूसा री व्यवस्था त औणे औल़ियां गल्लां री सिर्फ परछाई। पर तिसरा असली रुप निआं, इस खातर तिन्हां इक्को जेईयां बल़ियां रे जरिये तिन्हौं जे हर साल लगातार चढ़ाई जाईयां, तिन्हां लोकां जो सै जे परमेशरा ले अराधना करने खातर औआं ये तिन्हांजो कदीं बी सिद्ध नीं करी सकदियां।

इब्रानियों 9:9

ये सब अहांजो आज्ज के वगता रे बारे च किछ दस्सां ये; इस सारे रा मतलब येआ भई भेन्टां कने बलिदान तिन्हौं जे याजकें परमेशरा जो चढ़ाया, अराधना करने औल़े रिया अन्तरात्मा जो शुद्ध नीं करी सकदे।

इब्रानियों 12:25

सावधान रौआ, भई तुहें परमेशरा ते मुँह नीं फेरा सै जे तुहांजो गल्लां कराँ, काँह्भई जे इस्राएल रे लोक सजा ते नीं बचे ताहली जे तिन्हें इसा धरतिया च रैहन्दे हुये मूसा रियां गल्लां ते मुँह फेरील्या था, तां सच्चीजो अहें बी नीं बची सकदे, जे अहें तिस परमेशरा ते मुँह फेरगे सै जे स्वर्गा ते अहांने गल्लां कराँ।

इब्रानियों 11:7

विश्वासा रे जरिये नूँह जो ताहली जे तिन्हां गल्लां री चेतावनी दित्ति गई सै जे तिने देक्खी तक नीं थिआं, तां तिने परमेशरा रा आदर करदे हुये तिसरे हुक्मा जो मन्नीने अपणे परिवारा जो बचाणे रे खातर इक जहाज बणाया था। अपणे विश्वासा रे जरिये तिने इस संसारा जो दोषी मन्नया कने इस खातर परमेशरे नूँह जो धर्मी घोषित कित्या, काँह्भई तिने परमेशरा पर विश्वासा कित्या।

प्रेरितां 7:44

“गवाईया रा तम्बू बी तिस सुनसान जगह च अहांरे पूर्वजां रे बिच था; ये तम्बू तिस इ नमूने पर बणाया गया था तेढ़ा जे परमेशर ठहराईरा था, तिने जे मूसा ने गलाया, ‘सै आकार जे तैं देखीरा, तिसरे मुतावक इस्सो बणा।’

मत्ती 2:12

पर परमेशरे सुफने च तिन्हांजो सावधान करित्या, भई तुहें हटिने हेरोदेस राजे ला देक्खां जान्दे, इस खातर सै किसी दुज्जे रस्ते अपणे देशा जो मुड़ीने चलीगे।

इब्रानियों 13:10

याजको सै जे यहूदियां री अराधना रियां जगह च सेवा कराँ ये तिन्हांजो प्रशंसा रे किसी बी बलिदान्ना च हिस्सेदार हुणे रा कोई अधिकार नींआ, तिस्सो जे अहें अपणिया बेदिया पर देआंये।

प्रकाशितवाक्य 15:5

इन्हां गल्लां ते बाद मैं ये देख्या भई स्वर्गा च मन्दर सै जे गवाहिया रा तम्बू आ, खोल्या गया;