इब्रानियों 8:10 - बिलासपुरी नौआं नियम

¹⁰ फेरी प्रभु बोलां, भई ये वाचा मांह औणे औल़े दिनां च इस्राएली लोकां ने बन्हणी, भई मांह अपणी व्यवस्था तिन्हांरे मना च पाणी, कने तिन्हां व्यवस्था अपणे दिलां च रखणी, कने मांह तिन्हांरा परमेशर हूणा कने सै मेरे लोक हुणे।

इब्रानियों 8:10 Referans Kwoze

2 कुरिन्थियों 3:3

ये साफ आ भई तुहें मसीह रिया तरफा ते आईरे इक्की चिट्ठिया साई ये कने अहां रिया सेवकाईया रा नतीजा ये। ये स्याईया ने नीं कने पत्थरा रियां सिल्लां पर बी नीं बल्कि जिऊंदा परमेशरा रिया आत्मा ने माहणुआ रे दिलां पर लिखिरी।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

रोमियो 11:27

कने तिन्हां सौगी मेरी ये वाचा तां हूणी, ताहली जे हऊँ तिन्हांरे पापां जो माफ करी देंगा।”

याकूब 1:21

इस खातर तुहांरे जीवना च सै जे गन्दगी कने बुराई, तिन्हांजो दूर करीने तुहांरे मनां च सै जे परमेशरा रा वचन बाहीरा तिसजो नम्र हुईने ग्रहण करदे जावा; सै जे तुहांरे प्राणा जो बचाई सक्कां।

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

1 पतरस 1:23

काँह्भई तुहें परमेशरा ते नया जीवन पाईरा। तुहें ये जीवन येढ़ियां चीजां ते नीं पाईरा सै जे नाश हुई जाणा, पर येढ़ियां चीजां ते पाईरा सै जे सदा रे खातर हूणा यनि परमेशरा रा जीवित कने अनन्तकाल रे वचना ते।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

मत्ती 22:32

हऊँ अब्राहम रा परमेशर, इसहाक रा परमेशर, कने याकूब रा परमेशर आ? सै मूईरयां रा नीं, पर जिऊंदेयां रा परमेशर आ।”

इब्रानियों 11:16

पर तिन्हें इक उत्तम यनि स्वर्गीय देशा च रैहणे री इच्छा कित्ती; इस खातर परमेशर तिन्हांरा परमेशर कहलाणे ते खुश था, काँह्भई परमेशरे तिन्हां खातर इक नगर त्यार कित्तिरा।

1 कुरिन्थियों 6:16

क्या तुहें नीं जाणदे भई तिसरा मिलन जे वेश्या ने हुआं, सै तिसाने सौगी इक शरीर हुई जां? काँह्भई पवित्रशास्त्रा च लिखिरा, “सै दोन्नों इक शरीर होणे।”