इब्रानियों 7:6 - बिलासपुरी नौआं नियम

⁶ पर मेलिकिसिदक, सै जे लेवी रे वंशा रा नीं था, फेरी बी अब्राहम ते दशमांश लेआ कने तिस्सो आशीष दित्ति तिसने जे परमेशरे वायदा कित्तिरा था।

इब्रानियों 7:6 Referans Kwoze

रोमियो 4:13

ताहली जे परमेशरे ये वायदा अब्राहम कने तिसरे वंशां ने कित्या था भई तिस तिन्हांजो ये संसार देणा। ये वायदा इस खातर नीं कित्या गया था भई अब्राहमे व्यवस्था रा पालन कित्या था, वल्कि परमेशरा पर तिसरे विश्वासा रिया वजह ने सै धर्मी गिणया गया।

इब्रानियों 11:17

विश्वासा रे जरिये अब्राहमे परखे जाणे रे बगता च अपणे पुत्र इसहाका जो बल़िया खातर भेन्ट चढ़ाया। अब्राहमा जोई परमेशरे वायदा कित्या था फेरी बी सै अपणे इकलौते पुत्रा री बल़ि देणे जो त्यार था।

इब्रानियों 7:1

ये मेलिकिसिदक शालेम नगरा रा राजा, कने परमेशर सै जे बौहत महान आ तिसरा याजक था। ताहली जे अब्राहम राजयां जो हराईने वापस आया रां था, तां मेलिकिसिदक, अब्राहमा ने मिलीने तिस्सो आशीष दित्ति थी।

गलातियां 3:16

तियां इ परमेशरे अपणे वायदे अब्राहम कने तिसरे बंशा ने कित्ते। पवित्रशास्त्र ये नीं बोलदा, “भई तेरे बंशां जो” सै जे बौहत लोकां रे बारे च बोलां, पर ताहली जे पवित्रशास्त्र बोलां “तेरे बंशा जो” ये इक्की माहणुये रे बारे च बोलां सै जे मसीह आ।

रोमियो 9:4

सै इस्राएली लोक ये, तिन्हांजो जे परमेशरे गोद लेईरा कने पुत्र हुणे रा अधिकार दित्तिरा, सै जे परमेशरा रिया महिमा रा दर्शण करी बैठिरे, सै जे परमेशरा रे करारा रे भागीदार ये, तिन्हांजो जे मूसा री व्यवस्था दित्ति गईरी कने सच्ची अराधना कने परमेशरा रे वायदे तिन्हांरे इ हाये।

प्रेरितां 3:25

तुहें सारे तिन्हां भविष्यवक्तयां रियां औल़ादां ये कने तिस वायदे रे सहभागी हुणे, तिस्सो जे परमेशरे तुहांरे पूर्वजां ने कित्तिरा, तां जे तिने अब्राहमा ने गलाया, ‘तेरे वंशा तेई धरतिया रेयां सारेयां घरान्नेयां आशीष पाणी।’

इब्रानियों 11:13

ये सारे लोक तिन्हेंजे परमेशरा पर विश्वासा कित्या कने परमेशरा रे जरिये वायदा कित्ती रियां चीजां जो बगैर पाये मरीगे। पर सै दूरा तेई देखीने खुश हुये कने ये बी समझीगे भई अहें धरतिया पर परदेशी कने अंजाण ये।

इब्रानियों 7:7

अहें पक्का जाणाँ ये भई सै जे आशीष देआं सै आशीष पाणे औल़े ते महान आ।