इब्रानियों 7:25 - बिलासपुरी नौआं नियम

²⁵ इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

इब्रानियों 7:25 Referans Kwoze

रोमियो 8:34

कोई बी अहांरी निन्दा नीं करी सकदा, काँह्भई ये यीशु मसीह आ सै जे अहांरे खातर मरया कने मूईरयां चते जिऊंदा हुया, हुण परमेशरा रे सज्जे पासे आ कने सै जे अहांरे खातर विनती बी कराँ।

1 तिमुथियुस 2:5

काँह्भई परमेशर इक इ हाया, कने परमेशर कने माहणुआं रे बिच इक इ बिचौल़िया यनि यीशु मसीह सै जे माहणु बणीने इस संसारा च आया।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

इफिसियां 2:18

काँह्भई अहें दुईं किस्मा रे लोक इक्की आत्मा रे जरिए पिता गे पुजणे जोगे हुए।

रोमियो 5:2

अहांरे विश्वासा रिया वजह ते मसीहे अहांजो इस अनुग्रह च लन्दया तित्थी जे हुण अहें पुज्जीरे, अहें इसा गल्ला ते खुश हुआं ए भई अहांजो परमेशरा रिया महिमा च भागी हुणे री आशा इ।

इब्रानियों 11:6

कने सिर्फ विश्वासा रे जरिये परमेशरा जो खुश कित्या जाई सक्कां; काँह्भई परमेशरा रे नेड़े औणे औल़े जो विश्वास करना चाहिन्दा भई सै हया, कने सै जे तिस्सो जाणने री कोशिश कराँ ये तिन्हांजो सै ईनाम देआं।

इफिसियां 3:20

अहांरी विनती कने सोच्चा ते बधीने परमेशर महान काम्म करने च सामर्थी आ, काँह्भई तिसरा सामर्थ अहांरे अन्दर काम्म करया राँ,

इब्रानियों 9:24

मसीहे माहणुआं रे बणाईरे तिस परमपवित्र स्थाना च प्रवेश नीं कित्या, सै जे सच्चे परमपवित्र स्थाना री सिर्फ इक नकल थी। पर तिने त खुद स्वर्गा ची प्रवेश कित्तिरा ताकि हुण सै अहांरे खातर अप्पूँजो परमेशरा रे सामणे मौजूद करो।

इब्रानियों 7:19

(काँह्भई मूसा री व्यवस्था किसी गल्ला री सिद्धि नीं करी सक्की) पर हुण अहांले इक उत्तम आशा इ तिसरे जरिये अहें परमेशरा रे सामणे औआं ये।

यूहन्ना 14:13

जो किछ तुहां मेरे नौआं ते मेरते मंगणा सै माह करी देणा, ताकि पुत्रा रे जरिये पिता री महिमा हो।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।

इब्रानियों 13:15

इस खातर अहें यीशुये रे जरिये लगातार स्तुति रुपी बलिदान परमेशरा जो भेन्ट करिये, यनि ताहली जे अहें अपणे शब्दां रे जरिये अंगीकार कराँ ये भई यीशु अहांरा प्रभु आ।

इब्रानियों 7:16

काँह्भई व्यवस्था रे हुक्मा रे मुतावक तिसजो याजक बणना था तिस तरिके ने यीशु याजक नीं बणया, पर अविनाशी जीवना रिया सामर्था रे जरिये याजक बणया।

इब्रानियों 2:18

काँह्भई यीशुये री परीक्षा लिति गईरी कने तिने खुद दुख भोग्या, इस खातर सै परीक्षा च पैईरे लोकां री मदद करी सक्कां।

फिलिप्पियां 3:21

अपणी तिसा सामर्था रे जरिये तिसाते जे सारियां चिज़ां जो सै अपणे बशा च करी लेआं, अहांरे कमजोर शरीरा जो बदली देणा ताकि सै तिसरे प्रतापी शरीरा साई हूणा।

यूहन्ना 14:16

कने मांह तुहांरे खातर पिता ने प्राथना करनी, कने तिस तुहांजो इक सहायक देणा तिस जे तुहांजो सदा रैहणा,

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

इब्रानियों 7:24

पर यीशु युगां-युगां तक रैयां, इस वजह ने तिसरा याजक पद अटल आ।

इफिसियां 3:12

अहें मसीह च विश्वासा कराँ ये इस खातर अहें पूरे भरोसे ने निडर हुईने परमेशरा रे नेड़े जांये।

इब्रानियों 7:8

याजक सै जे दशमांश लें सै माहणु ये सै जे मरी जाये, पर मेलिकिसिदक इसते बी महान आ, काँह्भई पवित्रशास्त्र बोलां भई सै जिऊंदा।

रोमियो 5:10

काँह्भई ताहली जे अहें परमेशरा रे दुश्मण थे तिने अपणे पुत्रा रिया मौती रे जरिये अहांरा मेल-मलाप करवाया, तां हुण त तां जे अहांरा मेल-मलाप हुई चुक्कीरा तां मसीह रे जीवना रिया वजह ते अहें जरूर बची जाणे।

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

इब्रानियों 2:9

पर अहें यीशुये जो देक्खां ये, सै जे स्वर्गदूतां ते किछ इ वगता रे खातर घट कित्या गया था, ताकि परमेशरा रे अनुग्रह रे जरिये सै सब्बीं रे खातर मरी सक्को। कने काँह्भई तिने दुख सैया कने मरया, तां हुण अहें जाणाँ ये भई सै महिमामय आ कने आदर कित्या गईरा।