इब्रानियों 7:18 - बिलासपुरी नौआं नियम

¹⁸ इस तरिके ने मूसा री व्यवस्था निर्बल कने निष्फल हुणे रिया वजह ते परमेशर इस्सो हुण इस्तेमाल नीं करया राँ।

इब्रानियों 7:18 Referans Kwoze

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

प्रेरितां 13:39

कने तिन्हां गल्लां च जे तुहें मूसा री व्यवस्था रे जरिये निर्दोष नीं ठैहरी सकदे थे, तिन्हांई सब्बीं च हर इक विश्वास करने औल़ा यीशु मसीह जरिये निर्दोष ठैहरया।”

इब्रानियों 7:19

(काँह्भई मूसा री व्यवस्था किसी गल्ला री सिद्धि नीं करी सक्की) पर हुण अहांले इक उत्तम आशा इ तिसरे जरिये अहें परमेशरा रे सामणे औआं ये।

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

1 तिमुथियुस 4:8

काँह्भई शरीरा रिया वर्जिशा रा किछ इ फायदा मिलां, पर आत्मिक वर्जिश सारियां गल्लां खातर फायदेमन्द इ, काँह्भई ये इक्की माहणुये रे जिऊंदा रैहन्दे हुये बी कने मरने ते बाद बी तिसरी मदद कराँ इ।

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

गलातियां 3:17

मेरा मतलब येआ भई परमेशरे अब्राहमा ने बाचा बन्ही, व्यवस्था सै जे परमेशरे मूसा जो चार सौ तीह साल्लां ते बाद दित्ति थी ये व्यवस्था बाचा जो तोड़ी नीं सकदी कने तियां इ वायदे जो बेकार नीं बणाई सकदी।

गलातियां 4:21

व्यवस्था रे अधीन रैहणे औल़यां ते हऊँ पुछणा चाँह; क्या तुहें नीं सुणदे भई व्यवस्था क्या बोलां इ?

गलातियां 3:15

मेरे साथी विश्वासियो, हुण हऊँ तुहांजो हर रोज के जीवना ते इक उदाहरण देई कराँ, देक्खा, ताहली जे दो माहणु इक बसीयत बणां यें कने सै तिस्सो पक्का कराँ ये, तां कोई बी माहणु तिसजो बदली नीं सकदा कने किछ जोड़ी बी नीं सकदा। परमेशरा रा ये वायदा बी येढ़ा इ हाया।

रोमियो 3:31

तां क्या अहें व्यवस्था जो अहांरे विश्वासा रे जरिये खत्म करी रायें? कदीं मनी! पर अहें त व्यवस्था जो तिसरी सही कीमत देई राँये।

गलातियां 3:21

क्या इसरा ये मतलब आ भई व्यवस्था परमेशरा रे वायदे रे बिरोधा ची? कदीं मनी! काँह्भई जे येढ़ि व्यवस्था दित्तिरी हुन्दी सै जे लोकां च जीवना रा संचार करी सक्कां इ, तां इसरा पालन करने रे जरिये अहें परमेशरा रे सामणे धर्मी हुई जान्दे।