इब्रानियों 6:8 - बिलासपुरी नौआं नियम

⁸ पर लोक सै जे अपणे विश्वासा जो छडी दें सै तिसा धरतिया साई ये जिस पर झाड़ियां कने कण्डे उगां ये कने सै जे निकम्मी जमीन इ। परमेशर तिसा धरतिया जो शरापित करने औल़ा कने अन्त बिच अग्गी तिसारा नाश करना।

इब्रानियों 6:8 Referans Kwoze

यूहन्ना 15:6

जे कोई मांहने जुड़ीरा नीं रैंहदा तां सै टुटी रिया डालिया साई सटी दित्या जां कने सै सुकी जां। फेरी तिन्हां डालियां जो कट्ठयां करीने अग्गी च पाईने फुकी दें।

इब्रानियों 12:17

तुहें त जाणाँ ये भई बाद बिच ताहली जे तिने पिता री आशीष पाणी चाई, तां तिस्सो नीं मिली, हलाँकि सै रोया तियां जे अपणियां गल़तियां जो सुधारने रे खातर इक मौका पाणे री कोशिश करया राँ था फेरी बी तिस्सो सै आशीष नीं मिली।

इब्रानियों 10:27

पर इक इ गल्ल अहें करी सक्कां ये भई अहें परमेशरा रे न्याय रे दिना रा डरा ने इन्तजार करिये, जिस दिन परमेशरा अपणे दुश्मणां जो भड़कदिया अग्गी च भस्म करी देणा।

प्रकाशितवाक्य 20:15

कने तिस किसी रा नौं जे जीवना रिया कताबा च लिखिरा नीं मिलया, सै अग्गी रिया नदिया च पाया गया।

मरकुस 11:21

पतरसा जो सै गल्ल याद आई, कने तिने तिन्हांजो गलाया, “हे गुरू, देख! ये अंजीरा रा डाल़ तिस्सो जे तैं शाप दित्या था, सुकीगरा।”

मरकुस 11:14

फेरी यीशुये तिस डाल़ा ने गलाया, “हूणा ते कोई बी तेरा फल़ दबारा नीं खांगा!” कने तिसरे चेले इसा गल्ला जो सुणयां राँ थे।

मत्ती 7:19

माहणु तिन्हां सारयां पेड़ां जो बड्डी टुक्की ने अग्गी च फुकी देआं, तियां इ झूट्ठे भविष्यवक्तयां सजा पाणी।

मत्ती 3:10

कने तियां जे इक माहणु अपणिया कुहाड़िया ने सै डाल़ जे बुरा फल़ ल्यावां तिसजो बड्डी टुक्की ने अग्गी च जल़ाणे जो त्यार आ, ठीक तियां इ परमेशर बी तुहौं तुहांरे पापां खातर सजा देणे जो त्यार आ।

मत्ती 25:41

“फेरी तिस अपणे सज्जे पासे औल़यां ने बोलणा, शापित लोको, मेरला ते चली जावा, कने सै आग्ग जे परमेशरे शैतान कने तिसरे दूतां खातर त्यार कित्तिरी, तिसा अनन्त अग्गी च जाईने पौआ।