इब्रानियों 5:12 - बिलासपुरी नौआं नियम

¹² भले इ तुहें बौहत पुराणे विश्वासी ये कने हुण तुहांजो लोकां रे खातर गुरू बणी जाणा चाहिन्दा था, फेरी भीं हुण तुहांजो ये जरूरी हुईगरा भई कोई तुहांजो दोबारा परमेशरा रे विषय री सान गल्ल सिखाओ। तुहें त बच्चे साई ये तिस्सो जे दुध चाहिन्दा कने सै जे रोटी नीं खाई सकदा।

इब्रानियों 5:12 Referans Kwoze

इब्रानियों 6:1

इस खातर औआ मसीह रियां शिक्षां री शुरु रियां गल्लां जो दोहराईये नीं पर विश्वासा च परिपक्व हुन्दे जाईये। अहांजो भीं ते पैहलकिया शिक्षा रे बारे च यनिके मौती रिया तरफा जो लेई जाणे औल़े कम्मां ते मन फिरावा, कने परमेशरा पर विश्वास करना,

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।

इब्रानियों 5:13

जो बी दुध पीआं सै हल्तियें बी बच्चा, काँह्भई सै सही कने गल़ता च फर्क करना नीं जाणदा।

कुलुस्सियां 3:16

मसीह रे वचना जो अपणे दिला च पूरे तरिके ने बसणे देआ, कने पूरे ज्ञाना समेत इक्की दुज्जे जो सखावा कने निर्देश देन्दे रौआ, कने अपणे मना च धन्यवाद सौगी परमेशरा खातर भजन, स्तुति कने आत्मा रे गीत गावा।

मत्ती 17:17

यीशुये जबाब दित्या, “अड़ीमूर कने अविश्वासी लोको, माह कितणे बगता तक होर तुहां सौगी रैहणा? कितना बगत हऊँ इयां इ तुहांरी सैहन्दा रैहन्गा? तिस्सो येत्थी मेरले ल्यावा।”

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।

1 कुरिन्थियों 14:19

पर कलीसिया च होरीं भाषा च दस हज़ार गल्लां बोलणे ते मिन्जो ये होर बी जादा अच्छा लगां, भई दुज्जेयां जो सखाणे खातर बुद्धिया ते पांज्ज इ गल्लां बोलूं।

रोमियो 3:2

हाँ, इसरी बौहत बड्डी कीमत इ। काँह्भई पैहले हत्थे परमेशरा रा बचन यहूदी लोकां जोई सौंपीरा।

प्रेरितां 7:38

“ये सैई आ, तिने जे सुनसान जगह च सभा रे बिच अहांरे पूर्वजां ने सौगी कने तिस स्वर्गदूता ने मौजूद था तिने जे सिनै पहाड़ा पर तिसने गल्लां कित्तियां। इने इ अहांजो देणे रे खातर परमेशरा ते जीवन देणे औल़े वचन पाये थे।

मरकुस 9:19

ये सुणीने यीशुये तिन्हांजो जवाब देईने गलाया, “इस जुगा रे अविश्वासी लोको, हऊँ कितणे वगता तक तुहां सौगी रैहन्गा? कने कदुआं तक तुहांरी सैहन्गा? तिस मुण्डुये जो मेरले ल्यावा।”

फिलिप्पियां 3:1

इस खातर मेरे साथी विश्वासियो, प्रभु च मौज मनान्दे रौआ। तुहांजो भीं बार-बार तिन्हांई गल्लां जो लिखदे रैहणे ते मिन्जो कोई दुख नीं हुन्दा काँह्भई येई गल्लां तुहौं झूट्ठे शिक्षकां ते सुरक्षित रख गियां।

1 कुरिन्थियों 14:20

अरे साथी विश्वासियो, तुहें अपणिया समझा च बालकां साई नीं बणा। फेरी बी बुराईया च त बालक रौआ, पर समझा च सयाणे बणा।

गलातियां 4:3

तियां इ अहें बी, ताहली जे बच्चयां साई थे, तां दास्सां साई संसारा रे बेकार नियमां रा पालन कराँ थे।

इब्रानियों 5:11

अहांले इसरे बारे च बोलणे जो बौहत किछ आ, पर तिन्हांरा बखान करना मुश्किल आ, काँह्भई तुहें समझणे च बड़े सुस्त ये।

इब्रानियों 10:32

पर तिन्हां शुरु रे दिनां जो याद करा ताहली जे खुशखबरिया पर विश्वास करने ते बाद तुहें बौहत दुख सैया, पर विश्वासा च मजबूत रै।