इब्रानियों 4:7 - बिलासपुरी नौआं नियम

⁷ इस खातर परमेशरे किसी दुज्जे वगता जो अपणे विस्रामा रिया जगह च प्रवेश करने खातर तैह कित्या कने सै वगत आज्ज आ। अहांरे पूर्वजें विद्रोह करने रे कई साल्लां बाद परमेशरे दाऊदा रे जरिये बोल्या, तियां जे तिने बोल्या, “जे तुहें आज्ज परमेशरा री अवाज़ सुणो, तां तिसरा पालन करने ते इन्कार नीं करयां”

इब्रानियों 4:7 Referans Kwoze

इब्रानियों 3:15

तियां जे पवित्रशास्त्रा च ये लिखिरा, “जे तुहें आज्ज परमेशरा री अवाज़ सुणो, तां अपणे पूर्वजां साई तिसरा पालन करने ते इन्कार नीं करयां, ताहली जे तिन्हें परमेशरा रे बिरुद्ध बिद्रोह कित्या।”

मत्ती 22:43

यीशुये तिन्हांते पुच्छया, “तां दाऊद आत्मा च हुईने तिस्सो प्रभु कजो बोलां?

प्रेरितां 28:25

तां जे सै अप्पूँ चियें इक मत नीं हुये, तां पौलुसा रिया इसा गल्ला रे बोलणे पर चलीगे : “पवित्र आत्मे यशायाह भविष्यवक्ता ते तुहांरे पूर्वजां ने ठीक इ गलाया,

प्रेरितां 2:31

दाऊद राजे हुणे औल़ियां गल्लां जो पैहले तेई देखीने मसीह रे जिऊंदा हुणे रे बारे च भविष्यवाणी कित्ती भई नांत तिसरा प्राण अधोलोका च छडया गया कने नां तिसरी देह सड़ने पाई।

लूका 20:42

काँह्भई राजा दाऊद खुद भजन संहिता रिया कताबा च बोल्लां : भई परमेशरे मेरे प्रभुये जो गलाया,

मरकुस 12:36

राजा दाऊदे अप्पूँ इ पवित्र आत्मा च हुईने मसीह रे बारे च बोल्या : “ ‘परमेशरे मेरे प्रभुये ने गलाया, “मेरे सज्ज़े पासे बैठ, तदुआं तकौ जे भई हऊँ तेरे सारयां दुश्मणां जो, तेरे बशा च नीं करी दूँ।” ’

प्रेरितां 2:29

“हे भाईयो, हऊँ कुलपति दाऊद रे बारे च तुहांजो हिम्मता ने बोल्ली सक्कां भई सै त मरी गया कने गड्डी बी दित्तिरा कने तिसरी कब्र अज्जो आज्ज अहांले येत्थी इ हई।