इब्रानियों 4:12 - बिलासपुरी नौआं नियम

¹² काँह्भई परमेशरा रा वचन जिऊंदा, सामर्थी, कने हरेक दोधारी तलवारी ते बी बौहत पैना; सै अहांरे प्राण कने आत्मा जो गहराईया तक बिन्हां, तियां जे इक तेज तलवार अहांरे हरेक जोड़ां जो, कने गुदे-गुदे जो लग करीने आर-पार बिन्ही देईं, कने मनां रियां भावनां कने विचाराँ जो परखी लेआं।

इब्रानियों 4:12 Referans Kwoze

इफिसियां 6:17

कने छुटकारे रा टोप, कने पवित्र आत्मा री तलवारा जो, सै जे परमेशरा रा वचन आ, लैई लो।

1 पतरस 1:23

काँह्भई तुहें परमेशरा ते नया जीवन पाईरा। तुहें ये जीवन येढ़ियां चीजां ते नीं पाईरा सै जे नाश हुई जाणा, पर येढ़ियां चीजां ते पाईरा सै जे सदा रे खातर हूणा यनि परमेशरा रा जीवित कने अनन्तकाल रे वचना ते।

प्रकाशितवाक्य 1:16

सै अपणे सज्जे हत्था च सात्त तारे लईरे था, कने तिसरे मुँआं ते दोधारी तेज तलवार निकल़ी राँ थी, तिसरा मुँह तियां चमकीरा था, तियां जे सूरज दोपैहरके बगत चमकां।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

रोमियो 1:16

हऊँ यीशु मसीह रिया खुशखबरिया रे बारे च गर्व कराँ, काँह्भई सै हरेक विश्वास करने औल़े जो छुटकारा देणे रे खातर परमेशरा री सामर्थ इ, फेरी चाये पैहले सै यहूदी ओ या फेरी अन्यजातियां रे लोक ओ।

प्रकाशितवाक्य 19:15

जाति-जाति जो मारने खातर तिसरे मुँआं ते तेज धार तलवार निकल़ां इ। तिस तिन्हांरे ऊपर लोहे री रौड़ा ने राज करना। तिस सर्वशक्तिमान परमेशरा रे भयानक गुस्से री जलजलाहटा री मदिरा रे कुण्डा च अंगूरां जो पीहणा।

इफिसियां 5:13

ज्योति ताहली जे चमकां इ, तां सारा किछ दिखणे लगां। कने ज्योति तिस्सो जे दस्सां इ, सै खुद ज्योति बणी जां।

लूका 8:11

“कहाणियां रा मतलब येआ : ब्यूआ त परमेशरा रा बचन आ।

यूहन्ना 6:51

जीवना री रोटी सै जे स्वर्गा ते उतरी हऊँ आ। जे कोई इसा रोटिया चते खाओ, तां हमेशा जिऊंदा रैहन्गा; कने सै रोटी जे मांह संसारा रे लोकां रे जीवना खातर देणी, सै मेरा शरीर आ।”

प्रकाशितवाक्य 19:21

कने बाकी लोकां जो घोड़े रे स्वारा रिया तलवारा ने सै जे तिसरे मुँआं ते निकल़ां थी मारे गये; कने सब पंछी तिन्हांरे माँसा ते रज्जीगे।

प्रकाशितवाक्य 2:16

इस खातर पापां ते मन फिरा, नैंत मांह तेरले जल्द आईने, अपणे मुँआं रिया तलवारा ने तिन्हां सौगी लड़ना।

इब्रानियों 13:7

सै जे तुहांरे अगुवे, कने तिन्हे जे तुहांजो परमेशरा रा वचन सुणाई रा, तिन्हांजो याद रखा; कने ध्याना ने सोच्चा भई सै किस तरिके रा जीवन जीये कने मरे कने तियां जे तिन्हे विश्वासा कित्या था तिस इ तरिके रा विश्वास तुहें बी दस्सा।

प्रेरितां 4:31

तां जे सै प्राथना करी चुक्के, तां जगह तित्थी जे सै कट्ठे थे हिल्लीगी, कने सै सब पवित्र आत्मा ते भरीगे, कने परमेशरा रा वचन हिम्मता ने सुणांदे रै।

प्रेरितां 2:37

तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।

1 थिस्सलुनीकियां 5:23

हऊँ परमेशरा ने प्राथना कराँ सै जे शान्ति देआं भई सै तुहांजो पूरे तरिके ने पवित्र करो; कने तुहांरी आत्मा, प्राण कने देह अहांरे प्रभु यीशु मसीह रे वापस औणे तक पूरे तौर पर निर्दोष कने सुरक्षित रौआ।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

1 कुरिन्थियों 1:24

पर जिस किसी जो परमेशरे अपणे लोक हुणे खातर सद्दीरा, चाये यहूदी या यूनानी, दोन्नां रे खातर येई मसीह परमेशरा रा सामर्थ कने परमेशरा रा ज्ञान आ।

प्रेरितां 5:33

पर महांसभा रे सदस्या ये सुणीने फुखीगे, कने प्रेरितां जो मारी देणा चाँह थे।

यूहन्ना 12:48

सै जे मिन्जो छोट्टा जाणाँ सै मेरियां गल्लां मनदा निआं तिस्सो दोषी बनाणे औल़ा त इक आ; मतलब सै जे वचन मैं बोल्या, तिस इ न्याय रे दिन तिस्सो दोषी ठराना।

प्रेरितां 7:38

“ये सैई आ, तिने जे सुनसान जगह च सभा रे बिच अहांरे पूर्वजां ने सौगी कने तिस स्वर्गदूता ने मौजूद था तिने जे सिनै पहाड़ा पर तिसने गल्लां कित्तियां। इने इ अहांजो देणे रे खातर परमेशरा ते जीवन देणे औल़े वचन पाये थे।

इफिसियां 5:26

ताकि सै तिसाजो वचना रे जरिये पाणिये ने नैहलाईने शुद्ध करो कने पवित्र बणाओ,

इब्रानियों 6:5

तिन्हें महसूस कित्या था भई परमेशरा रा वचन उत्तम आ कने तिन्हें औणे औल़े युगा री सामर्था जो बी महसूस कित्या था।