इब्रानियों 4:11 - बिलासपुरी नौआं नियम

¹¹ इस खातर आओ अहें तिस विस्राम रिया जगह च जाणे री कोशिश करिये, ताकि येढ़ा नीं हो भई कोई माहणु इस्राएली लोकां साई हुक्म नीं मन्नीने विस्राम च जाई नीं पाओ।

इब्रानियों 4:11 Referans Kwoze

इब्रानियों 3:18

ताहली जे परमेशरे गुस्सा हुईने ये कस्म खाद्दि, भई सै तिसा जगह च कदीं प्रवेश नीं करगे तित्थी जे हऊँ तिन्हांजो आराम देआं, हकीकत च सै तिन्हांरे बारे च बोल्या राँ था तिन्हें जे हुक्म नीं मन्नया।

लूका 13:24

“तंग दरवाजे चियें जाणे री कोशिश करा, काँह्भई हऊँ तुहांजो बोलां, भई बौहत सारे लोकां तिस चियें जाणे री इच्छा करनी, पर तिन्हां जाई नीं पाणा।

इब्रानियों 6:11

अहांरी ये बौहत इच्छा इ भई तुहें तदुआं तक जे जिऊंदा ये अच्छा व्यवहार करदे रौआ, ये पक्का करने रे खातर भई तुहांरी आशा सच्च हूणी।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

इब्रानियों 3:12

साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।

तीतुस 1:16

ये झूट्ठे शिक्षक बोलां ये भई सै परमेशरा जो जाणाँ ये, पर तिन्हांरा बर्ताव साफ तौर पर ये साबित कराँ भई सै तिस्सो नीं जाणदे। परमेशर इन्हां लोकां ते नफरत कराँ कने सै तिसरे हुक्मां रा पालन नीं करदे, कने कोई भला काम्म बी नीं करी पान्दे।

फिलिप्पियां 2:12

इस खातर मेरे प्यारे मित्रो, ताहली जे हऊँ तुहांजो सौगी था ताहली तियां जे तुहें हुक्मां रा पालन कित्या, हुण ताहली जे भई हऊँ तुहां सौगी निआं तां तुहें होर जादा लगना ने तिन्हांरा पालन करा। परमेशरा रे प्रति पूरे आदर भावा ने अपणे छुटकारे जो पूरा करने रे खातर तुहें लोक काम्म करदे जावा।

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

कुलुस्सियां 3:6

इन्हां इ गल्लां रिया वजह ने परमेशरा रा कोप हुक्म नीं मनणे औल़यां रे ऊपर पौंवा।

प्रेरितां 26:19

“इस खातर हे राजा अग्रिप्पा, मैं तिस स्वर्गीय दर्शणा रा पालन कित्या,

लूका 16:16

तदुआं तक जे मूसा री व्यवस्था कने भविष्यवक्तयां रे लिखिरे सन्देश, बपतिस्मा देणे औल़े यूहन्ने रे औणे तक परमेशरा रे राजा रे बारे च प्रचार कित्या। पर हुण परमेशरा रे राज्जा री खुशखबरी सुणाई जाया राँई कने हर कोई तिसच इच्छुक हुईने दाखल हुया राँ।

मत्ती 11:12

तदुआं ते जे यूहन्ने प्रचार करना शुरु कित्या तिस वगता ते लेईने हुण तक परमेशरा रा राज तेजिया ने बधया राँ कने बलवान लोक तिसजो नाश करना चाँये।

मत्ती 7:13

परमेशरा रे राज्जा च जाणे रा रस्ता तंग दरवाजे ते हुईने जां। काँह्भई चौड़ा सै दरवाजा कने सान आ सै रस्ता सै जे नरका तक लेई जां; इस खातर बौहत सारे लोक ये सै जे तिसच दाखल हुआं ये।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

इब्रानियों 4:6

सै इस्राएल रे लोक तिन्हेंजे पैहले खुशखबरिया जो सुणीरा था, पर विस्राम रिया जगह च प्रवेश करने च असफल रै, काँह्भई तिन्हें परमेशरा रा हुक्म नीं मन्नया। पर हुण बी किछ लोकां जो विस्राम रिया जगह च प्रवेश करने रे खातर मौका।

2 पतरस 2:6

परमेशरे सदोम कने अमोरा रे नगराँ जो विनाश री येढ़ि सजा दित्ति भई तिन्हांजो भस्म करीने स्वाह करित्या ताकि परमेशरा रा हुक्म नीं मनणे औल़यां रे खातर ये इक चेतावनी दित्ति भई तिन्हां सौगी क्या हूणा।