इब्रानियों 3:19 - बिलासपुरी नौआं नियम

¹⁹ इस खातर अहें समझीगे भई सै अविश्वावासा रिया वजह ते नीं प्रवेश करी सक्के।

इब्रानियों 3:19 Referans Kwoze

यहूदा 1:5

हलाँकि तुहें इन्हां सब्बीं गल्लां जो पैहले तेई जाणाँ ये, फेरी बी हऊँ तुहांजो आद दिलाणा चांह भई प्रभुये अपणयां लोकां जो मिस्र देशा रिया गुलामिया ते छुड़ाया, पर बाद बिच जितणयां लोकें तिस पर विश्वास नीं कित्या तिन्हां सारयां जो तिने नाश करित्या।

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

यूहन्ना 3:18

सै जे परमेशरा रे पुत्रा पर विश्वास कराँ, तिस पर सजा देणे रा हुक्म नीं हुन्दा, पर सै जे तिस पर विश्वास नीं करदा, सै दोषी हुई चुक्कीरा; काँह्भई तिने परमेशरा रे इकलौते पुत्रा पर विश्वास नीं कित्या।

मरकुस 16:16

सै जे विश्वास करो कने बपतिस्मा लओ तिसरा इ छुटकारा हूणा, पर सै जे विश्वास नीं करगा सै दोषी समझया जाणा;

1 यूहन्ना 5:10

सै जे परमेशरा रे पुत्रा पर विश्वास कराँ, सै अपणे दिला च तिसा गवाहिया जो रक्खां; तिने जे परमेशरा पर विश्वास नीं कित्या, सै परमेशरा जो झूट्ठा बणां; काँह्भई तिने तिसा गवाहिया पर विश्वास नीं कित्या, सै जे परमेशरे अपणे पुत्रा रे बारे च दितिरी,

2 थिस्सलुनीकियां 2:12

ताकि जितणयां लोकें सच्चाईया पर विश्वास नीं कित्या, पर पापां ते खुश हुये, सै सब सजा पाओ।

रोमियो 11:23

जे सै बी मसीह पर विश्वास कराँ ये, तां सै बी डाल़ा ने कलमा साई जोड़ी दित्ते जाणे; काँह्भई परमेशर तिन्हांजो भीं ते जोड़ने च सामर्थी आ।

इब्रानियों 3:12

साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।