इब्रानियों 2:10 - बिलासपुरी नौआं नियम

¹⁰ परमेशरे सब किछ बणाईरा कने तिसजो सै लगातार अपणे खातर बणाईने रखां। परमेशरे सही कित्या ताहली जे तिने दुखा रे जरिये यीशुये जो सिद्ध कित्या ताकि सै बौहत सारयां बच्चयां जो महिमा च पहुँचाये। काँह्भई यीशु इ हाया सै जे तिन्हौं छुटकारे च लेई जां।

इब्रानियों 2:10 Referans Kwoze

रोमियो 11:36

काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।

इब्रानियों 6:20

तित्थी जे यीशुये मेलिकिसिदक याजका साई सदा काल रा महायाजक बणीने अहां खातर अगुवे साई प्रवेश कित्तिरा।

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

लूका 24:46

कने तिने तिन्हांने बोल्या, “पवित्रशास्त्रा च ये लिखिरा; भई मसीहे दुख सैहणा कने तिज्जे दिन मूईरयां चते जिऊंदे हूणा,

लूका 24:26

क्या मसीह रे खातर ये जरूरी नीं था भई इसते पैहले सै इन्हां पीड़ां जो भुगते फेरी स्वर्गा च जाईने अपणे अधिकारा रिया गद्दिया पर बैट्ठो?”

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

1 कुरिन्थियों 8:6

तां बी अहांरे खातर इक इ परमेशर आ, यनि सै पिता सै जे सारियां चीजां रा सृष्टीकर्ता कने तिसरे खातर जे अहें जींये; कने इक इ प्रभु आ, यनि यीशु मसीह तिसरे जरिये सब्बीं चिज़ां री सृष्टि हुई कने तिसरे जरिये जे अहें जीयें।

इब्रानियों 7:28

काँह्भई मूसा री व्यवस्था तिस माहणुये जो महायाजक हुणे खातर नियुक्त कराँ इ सै जे सिद्ध नींआ, पर व्यवस्था ते बाद परमेशरे कसम खाईने अपणे पुत्रा जो नियुक्त कित्या कने तिसरा पुत्र युगां-युगां तक सिद्ध महांयाजक बणीरा।

इफिसियां 3:10

तिसरा मकसद था भई सै हुण कलीसिया रे जरिये परमेशरा रे कई तरह रे ज्ञाना जो तिन्हां प्रधानां कने अधिकारियां जो परगट करे सै जे स्वर्गा रिया जगहां चे।

प्रकाशितवाक्य 4:11

“हे अहांरे प्रभु कने परमेशर, तूई महिमा, आदर कने सामर्था रे लायक आ; काँह्भई तैंई सब चिज़ां बणाई रियां कने तेरिया इ इच्छा ते इन्हांरी रचना हुई कने सै मौजूद इ।”

2 तिमुथियुस 2:10

इस खातर परमेशरा रे चुणी रयां लोकां खातर हऊँ सब किछ सैयां ताकि सै बी मसीह यीशुये च मिलणे औल़े छुटकारे जो अनन्त महिमा सौगी पाई सक्को।

कुलुस्सियां 3:4

ताहली जे मसीह सै जे अहांरा जीवन आ, भीं ते परगट हूणा, तां तुहें बी तिस सौगी तिसरिया महिमा समेत परगट कित्ते जाणे।

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

2 कुरिन्थियों 3:18

पर ताहली जे अहें सब अपणे खुल्हे चेहरे ने प्रभुये री महिमा रा ध्यान कराँ ये, तां परमेशर अहौं हौल़यां-हौल़यां अपणे स्वरूपा च बधदी हुई महिमा सौगी बदल़ां, ये महिमा प्रभु तेई मिलां इ, सै जे पवित्र आत्मा।

रोमियो 9:23

कने परमेशरे बी अपणी जादा महिमा परगट करने खातर अहांजो तिसते भरीत्या सै जे तिसरिया दया रिया वजह ने हुया, अहां चते तिन्हांजो परमेशरे अपणी महिमा पाणे खातर त्यार कित्तिरा।

प्रेरितां 3:15

कने तुहें अनन्त जीवन देणे औल़े जो मारीत्या, तिस्सो जे परमेशरे मूईरेयां चते ज्यूंदा कित्या, कने अहें इसा गल्ला रे गवाह थे।

प्रकाशितवाक्य 7:9

इन्हां गल्लां रे बाद मैं हर इक जाति, कने कुल़, कने लोक, कने भाषा चते इक येढ़ि बड्डी भीड़ देक्खी, तिसाजो जे कोई गिणी नीं सकदा था। सै चिट्टे कपड़े पैहनीने कने अपणे हत्थां च खजूरा रियां डाल़ियां लेईरी संघासणा रे सामणे कने मेमने रे सामणे खढ़िरे;

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

1 पतरस 1:12

पर परमेशरे इन्हां भविष्यवक्तयां जो परगट कित्या भई तिन्हांरा सन्देश तिन्हांरे फायदे रे खातर नीं था बल्कि तुहांरे खातर था। सै सन्देश यीशु मसीह री खुशखबरी आ तिसजो जे हुण तुहें सुणीरा। परमेशरे अपणे पवित्र आत्मा जो स्वर्गा ते इस खातर भेज्या ताकि सै खुशखबरिया रा प्रचार करने च लोकां री मदद करी सक्को। इन्हां गल्लां जो स्वर्गदूत बी बेसब्रिया ने देखणे री इच्छा रक्खां ये।

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।

इफिसियां 2:7

तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।

2 कुरिन्थियों 6:18

कने हऊँ तुहांरा पिता हूणा, कने तुहें मेरे बेटे कने बेटियां हुणे। ये सर्वशक्तिमान परमेशरा रा वचन आ।”

2 कुरिन्थियों 5:18

कने फेरी ये सारियां गल्लां तिस परमेशरा रिया तरफा ते हुआ इयां, तिने जे अहें मसीह रे जरिये अप्पूँ च मलाईल्या कने लोकां जो परमेशरा ने मेल-मलापा रा काम्म अहांजो सौंपीत्या।

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

1 कुरिन्थियों 2:7

पर अहें सै जे ज्ञान्ना रियां गल्लां दस्सां ये सै परमेशरा रा ज्ञान आ सै जे माहणुआं ते छिपिरा था, काँह्भई तिसजो जे परमेशरे संसारा जो बनाणे ते पैहले अहां रिया महिमा रे खातर तैह कित्या था।

यूहन्ना 19:30

फेरी तंजे यीशुये तिसजो चखीने बोल्या भई “सब किछ पूरा हुआ।” तां तिने अपणा सिर थल्ले खौ कित्या कने प्राण छड्डीते।

यूहन्ना 11:52

कने नां सिर्फ तिन्हांरे खातर, पर इस खातर बी भई तिस परमेशरा रे होरीं बच्चयां खातर बी मरना, सै जे धरतिया पर बिखरीरे ताकि सै इक हुईजो।

लूका 13:32

यीशुये तिन्हाजो गलाया, “जाईने तिस गिदड़ियां साई जालिम माहणुये ने बोल्ली दे भई हऊँ आज्ज कने कल बुरीआत्मा जो नकाल़ां कने बमाराँ जो ठीक कराँ; कने तिज्जे दिन मांह अपणे कम्मा जो पूरा करना।

लूका 2:14

स्वर्गा च परमेशरा री बडयाई ओ कने धरतिया पर तिन्हां माहणुआं ते जे परमेशर खुश आ तिन्हां पर सुख-शान्ति ओ।