इब्रानियों 13:9 - बिलासपुरी नौआं नियम

⁹ लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

इब्रानियों 13:9 Referans Kwoze

इफिसियां 4:14

तां हुण ते अहौं बच्चे साई नीं रैहणा चाहिन्दा। अहें तिसा किश्तिया साई नींये सै जे समुद्रा रियां लहराँ सौगी इतखा-उतखा भटकीने रस्ता बदलदी रैईं। इसरा मतलब येआ भई चलाक कने छली लोक अहांजो अपणिया झुट्ठिया शिक्षां ते बैहकाई नीं सक्को।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

रोमियो 14:6

सै जे किसी खास दिना जो मन्नां सै तिस्सो प्रभुये जो आदर देणे खातर इ मन्नां। कने सै जे सब किछ खां, सै बी प्रभुये जो आदर देणे खातर इ खां, काँह्भई सै तिस खाणे रे खातर प्रभुये रा धन्यवाद कराँ। कने सै जे नीं खान्दा, सै बी येढ़ा इस खातर कराँ, काँह्भई सै बी प्रभुये जोई आदर देणा चाँह, काँह्भई सै बी परमेशरा जोई धन्यवाद देआं।

1 यूहन्ना 4:1

मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।

प्रेरितां 20:30

तुहां बिच्चा ते बी येढ़े-येढ़े माहणु औणे, तिन्हांजे चेलयां जो अप्पूँ खौ खिंजणे खातर गल़त फल़त गल्लां करनियां।

यहूदा 1:12

ये लोक तुहांरी संगतिया रिया धाम्मां च तुहां सौगी शामिल त हुआं ये; पर ये लोक खतरनाक चट्टाना साई ये सै जे पाणिये च छिपि रियां हुआं इयां कने सै जे तुहांरे डुबणे री वजह बणी सक्कां ये। ये लोक बेशर्म चरवाहे साई ये सै जे सिर्फ अपणी ही रखवाल़ी कराँ ये। ये बिणा बरखा रे बद्दल़ ये, तिन्हौं जे हवा डुआईने लेई जांई; सै येढ़े पेड़ां साई ये तिसच जे फसला रे वगत फल़ नीं लगदे, कने जड़ां ते पटोईगरे यनि सै पूरी तरह मरी चुक्कीरे।

1 तिमुथियुस 6:20

अरे तिमुथियुस, तू ये निश्चा कर भई सै जे परमेशरे तिज्जो सौंपीरा तू सैई कराँ। कने तिन्हां लोकां री मत सुणयां सै जे लगातार मूर्ख गल्लां कराँ ये तिन्हांते जे परमेशरा रे खातर आदर नींआ कने बेकार च बैहस कराँ ये कने सै बोलां ये भई ये ज्ञान आ, पर सच्चीजो ये नींआ।

यहूदा 1:3

मेरे प्यारे मित्रो, हलाँकि हऊँ तिस छुटकारे रे बारे च तुहौं लिखणे री हर कोशिश करीराँ था, तिसच जे अहें सब शामिल ये, पर हुण मैं तुहांजो ये लिखणा कने विनती करना जरूरी समझया ताकि तुहें तिस विश्वासा रिया हिफाज़ता खातर पूरी कोशिश करगे सै जे इक इ बार हमेशा रे खातर परमेशरा रे लोकां जो सौंपया गया था।

2 थिस्सलुनीकियां 2:17

तुहांरे मना जो प्रोत्साहन देओ कने तुहांजो हरेक कम्मां कने वचना च मजबूत करो।

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

मत्ती 24:4

यीशुये तिन्हांजो जबाब दित्या, “हऊँ सिर्फ तुहांजो येई बोलणा चाँह भई हुणे औल़ियां घटनां रे बारे च तुहांजो कोई धोखे च नीं रक्खो,

कुलुस्सियां 2:4

येढ़ा हऊँ इस खातर बोलीराँ भई कोई तुहांजो अपणी मिठी-मिठी गल्लां ने धोखा नीं देई दो।

2 कुरिन्थियों 1:21

परमेशर इ हाया, सै जे तुहां सौगी मसीह च अहांजो मजबूत कराँ, कने परमेशरे अहां पर अपणी मोहर लाईने बयाने रे रुपा च अपणा आत्मा अहांरे दिला च रखीने अहांरा अभिषेक कित्तिरा।

1 कुरिन्थियों 8:8

पर खाणा अहांजो परमेशरा ले नीं पहुँचान्दा। जे अहें इस्सो नीं खाईये तां अहांरा कोई नुक्शान नीं हुंदा, कने जे खाईये तां अहांजो किछ फायदा नीं हुन्दा।

रोमियो 14:17

काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।

रोमियो 14:2

काँह्भई कोई विश्वास कराँ भई सै सब किछ खाई सक्कां, पर तिसरा विश्वास जे कमजोर आ सै माहणु सिर्फ साग-पत्ते इ खां।

प्रेरितां 20:32

कने हुण हऊँ परमेशरा जो, कने तिसरे अनुग्रह रे वचना जो तुहांजो दई देन्दा; सै जे प्रभु यीशु मसीह च तुहांरा विश्वास मजबूत करी सक्को कने परमेशरा रे जरिये सब पवित्र कित्तिरे लोकां च सहभागी हुईने तुहांरा उत्तराधिकार दिलाई सक्कां।

2 थिस्सलुनीकियां 2:2

तुहें सानिया ने किसी भविष्यवाणी, किसी उपदेश यनि किसी येढ़िया चिट्ठिया ते अपणे मना च दुखी नीं हुयां कने मत डरयां तिसाजो जे अहांरे जरिये लिखिरा समझया जान्दा हो कने तिसच जे इस तरिके ने दस्या गया हो भई प्रभुये रे औणे रा दिन आई चुक्कीरा।

1 कुरिन्थियों 6:13

तुहां चते किछ लोक ये बोलां ये, “रोटी पेट्टा रे खातर इ कने पेट रोटिया रे खातर आ,” पर परमेशरा दुईं जो नाश करना। शरीर व्यभिचारा खातर नींआ, पर प्रभुये खातर आ; कने प्रभु शरीरा रे खातर आ।

गलातियां 6:1

मेरे साथी विश्वासियो, तुहां चते जे कोई माहणु कोई पाप करदे हुये पकड़ोई जाओ, तां तुहें सै जे आत्मिक लोक ये नम्रता सौगी तिसजो धर्मा रे रस्ते पर बापस लौणे च मदद करा। पर खुद बी सावधान रौआ भई किति तुहें बी किसी इम्तेहाना च नीं पैई जाओ।

लूका 5:38

अंगूरां रा नौआं रस मशकां ची भरना चाहिन्दा।